Video
Read full review
2019-10-31
900 views
見工人姐姐湊呀仔湊得幾好，同老公放心哂，一於偷偷地閃岀去食反個晚飯先老公揀左MGB by Manhattan Grill Bar話好耐無食下西餐，貪佢夠方便，泊車喺APM行過隔離就係，食完飯仲可以行下一田先反去！餐廳都幾大，店員安排我地坐卡位，夠哂闊落，仲有outdoor既坐位，好細心！我地嗌左個set dinner，好抵喎！一個慢煮豬鞍set dinner都只係288加一，又有小食拼盤又有餐湯，又有main course，有甜品有野飲，我地仲加左88蚊要4隻美國泰勒太平洋石蠔，啲蠔好新鮮，夠爽脆！啱哂老公！小食拼盤有雞翼，Parma ham，風乾牛肉，香草車厘茄，芝士，焗紅椒同少少黑醋沙律，好豐富，好少可有set dinner會有小食拼盤，多數一個salad就算，好有誠意，又好食！我地另外加左18蚊升級做蟹肉龍蝦湯好香濃，啖啖蟹肉，正！慢煮豬鞍扒配蘋果無花果醬豬鞍夠哂稔，蘋果無花果醬可以中和口腔內既油膩，再食多啖肉，更加帶岀豬鞍香濃既肉味，呢個配搭一流！另外加多杯可樂，嗌多個蒜香蝸牛同埋牛油果pizza已經夠哂食蒜香蝸牛好滑好香，最好味係下面個薯蓉，吸收哂啲油份，好好食，好香呀！牛油
見工人姐姐湊呀仔湊得幾好，同老公放心哂，一於偷偷地閃岀去食反個晚飯先
老公揀左MGB by Manhattan Grill Bar話好耐無食下西餐，貪佢夠方便，泊車喺APM行過隔離就係，食完飯仲可以行下一田先反去！
餐廳都幾大，店員安排我地坐卡位，夠哂闊落，仲有outdoor既坐位，好細心！
我地嗌左個set dinner，好抵喎！一個慢煮豬鞍set dinner都只係288加一，又有小食拼盤又有餐湯，又有main course，有甜品有野飲，我地仲加左88蚊要4隻美國泰勒太平洋石蠔，啲蠔好新鮮，夠爽脆！啱哂老公！
小食拼盤有雞翼，Parma ham，風乾牛肉，香草車厘茄，芝士，焗紅椒同少少黑醋沙律，好豐富，好少可有set dinner會有小食拼盤，多數一個salad就算，好有誠意，又好食！
我地另外加左18蚊升級做蟹肉龍蝦湯
好香濃，啖啖蟹肉，正！
慢煮豬鞍扒配蘋果無花果醬
豬鞍夠哂稔，蘋果無花果醬可以中和口腔內既油膩，再食多啖肉，更加帶岀豬鞍香濃既肉味，呢個配搭一流！
另外加多杯可樂，嗌多個蒜香蝸牛同埋牛油果pizza已經夠哂食
蒜香蝸牛
好滑好香，最好味係下面個薯蓉，吸收哂啲油份，好好食，好香呀！
牛油果pizza
唔係就咁舖牛油果片喺個面度咁簡單，仲有牛肉果蓉喺芝士個底度，啖啖都充滿住牛油果既香味，好好食！
最愛甜品既老公見到個甜品menu直頭雙眼發光咁濟
嗌左個特濃朱古力蛋糕
口感好結實好豐富，老公最愛呢種結實口感既食物！啱哂佢！酥皮熱情果配野莓醬呢啲輕盈口感既就最啱我！
酥皮熱情果配野莓醬
酸maymay既熱情果配上蛋白脆脆，一酸一甜，清新又好味！下次泥一定要再嗌呢個！
Post
