快樂蜂 (利基大廈) (Closed)

星期五夜收工，返到屋企附近已經9點，自己一個人輕鬆食。去咗屋企附近嘅快樂蜂。好多朋友都好驚訝開咗咁耐我都係第一次食，皆因平時見到廣告啲雞炸得好深色，感覺應該都好干好柴，同東南亞口味，俾我嘅感覺都係香料多重口味，所以冇乜興趣。但係朋友話其實佢哋啲雞先係好食，咁就試一次。點咗一個晚餐，有茄汁肉醬意粉，同埋一件炸雞，加多個可樂。先講件炸雞，果然係唔錯，外殼香脆，香料惹味但唔太喊，咬落入邊肉汁日流出嚟，肉嫩唔柴口。意粉中規中矩，意粉質地唔係一般常見，蕃茄肉醬唔太鹹，份量啱啱好，夠一般女士份量。