Video
Read full review
2021-09-27
418 views
間中同男友都會去食下日本野, 本身我地兩個都係日本愛好者, 所以對日本菜完全唔抗拒, 早排我地去左屋企附近食刺身丼飯做晚餐, 快靚正又可以食哂幾種唔同刺身我早到左所以入去拎位先, 好在平日唔多人, 一入就有吧枱位坐, 有少少餓所以我地叫左一人一個丼飯, 仲叫左份左口魚邊壽司同幾款刺身小食叫完野食就先上左個麵豉湯同沙律, 飲啖湯暖下胃, 個麵豉湯都多蜆肉幾足料, 沙律有柚子醋香, 酸酸地好開胃之後就黎蟹膏豆腐, 豆腐用左玉子豆腐, 上面放左少少蟹膏, 外層用火槍燒過, 味道帶少少焦香, 配蟹膏一齊食好夾之餘, 玉子豆腐一咬仲要超滑, 令整體更加香口惹味食完啱啱好就上鰈魚薄切, 火炙鰈魚同法國生蠔, 薄切沾少少柚子醋一齊食好鮮甜又開胃, 火炙鰈魚幾乎入口即溶, 焦香係口腔中陪迴, 生蠔爽口帶少少海水咸味, 雖然唔算肥美, 但食完感覺俐落慢煮鮑魚配肝醬, 鮑魚口感煙刃帶爽, 味道有少少味醂同酒香, 食完無負擔左口魚邊壽司都係用火槍稍為燒過, 令油香留係魚上, 入口即溶, 令人回味最後壓抑既刺身丼飯出場, 男友叫既花錦魚生丼一共有13款刺身配料, 當中有三文魚、白身魚、赤蝦、右口魚邊、金蟹子、
我早到左所以入去拎位先, 好在平日唔多人, 一入就有吧枱位坐, 有少少餓所以我地叫左一人一個丼飯, 仲叫左份左口魚邊壽司同幾款刺身小食
叫完野食就先上左個麵豉湯同沙律, 飲啖湯暖下胃, 個麵豉湯都多蜆肉幾足料, 沙律有柚子醋香, 酸酸地好開胃
之後就黎蟹膏豆腐, 豆腐用左玉子豆腐, 上面放左少少蟹膏, 外層用火槍燒過, 味道帶少少焦香, 配蟹膏一齊食好夾之餘, 玉子豆腐一咬仲要超滑, 令整體更加香口惹味
食完啱啱好就上鰈魚薄切, 火炙鰈魚同法國生蠔, 薄切沾少少柚子醋一齊食好鮮甜又開胃, 火炙鰈魚幾乎入口即溶, 焦香係口腔中陪迴, 生蠔爽口帶少少海水咸味, 雖然唔算肥美, 但食完感覺俐落
慢煮鮑魚配肝醬, 鮑魚口感煙刃帶爽, 味道有少少味醂同酒香, 食完無負擔
左口魚邊壽司都係用火槍稍為燒過, 令油香留係魚上, 入口即溶, 令人回味
最後壓抑既刺身丼飯出場, 男友叫既花錦魚生丼一共有13款刺身配料, 當中有三文魚、白身魚、赤蝦、右口魚邊、金蟹子、三文魚子、櫻花蝦、蟹膏豆腐同松葉蟹等食材, 中間仲有隻玉子漬, 成碗一齊拌勻咁食好正, 每種魚生都好新鮮, 一啖咁食口感好豐富, 平時有選擇困難症食依個就啱哂
我就叫左夢之丼, 因為我好鍾意食海膽, 所以叫左佢, 當中有三文魚蓉、三文魚子、帆立貝、牡丹蝦、海膽、松葉蟹同右口魚邊, 海膽鮮甜帶甘, 帆立貝夠爽滑, 再加埋三文魚子一齊食真係正到痺
整體食物質素同服務都唔錯, 野食好快上哂, 見佢外賣都有做折扣優惠, 下次一個人都可以黎叫外賣拎返屋企食都唔錯!
Post
