大渣哥茶記 (Closed)

3號風球，又落住大雨，所以就揀咗大渣哥食啲嘢醫下肚先。係餐廳門口，就有位員工幫手打開門，仲好溫柔咁話「入咗黎先啦，出面好大雨呀！」超友善！！！佢餐單上嘅標題超有趣。然後我同另一半分別嗌咗干炒牛河同星州炒米嘢飲方面就一杯熱鴛鴦一杯可樂（係冰底㗎）都係下午茶餐。首先干炒牛河先，佢啲牛肉俾得啱啱好，唔會得幾塊仔，之後佢個味道都幾好，唔會太鹹亦都唔會太淡啱啱好。河粉又唔係炒到黐埋一舊舊嗰啲，條條都分明。然後佢個星州炒米嘅配料份量都好好，有幾隻蝦仁。佢味道分面就有好重嘅咖喱味，炒得非常乾身。熱鴛鴦嘅奶茶味好出👍🏾