陸宜居茶餐廳 (Closed)

星期六同男朋友仔入完大埔墟踩完單車，肚仔餓落左廣福道食下午茶。仔仔好想食炸雞肶，醒起住係大埔既朋友仔講呢度有間開左十幾二十年既茶餐廳，今日有機會就入黎試一試😝二話不說即刻叫左兩個炸雞肶沙律，男朋友個份就配薯條。因為係即炸既關係，所以等左15分鐘先有得食。雞肶用豉油炸，肉汁鎖住夠Juicy，不過略嫌中間部份既皮未炸透。沙律中規中矩，吾係罐頭生果溝沙律醬。總結，細看呢度有好多款式既食物，小菜/ 碟頭/面食，價錢當然合適，呢間絕對係食速食平食好選擇！