他他餐廳 (Closed)

ig見到勁多人都去元朗的他他餐廳, 前排過開屯門就入埋去試一試! 今次仲同埋男朋友仔一齊去!芝士肉醬熱狗配薯條 ($59, 加芝士醬加$5)救命，真係啱哂芝士痴!I m lovin it!他他餐廳絕不手軟，真係多芝士到暈。雖然冇映相, 但拉到勁多絲架!芝士醬我覺得唔太咸，又香濃！見到都流哂口水。熱狗有肉醬淋面唔會乾，入面除左香腸，仲有青瓜，食完都無咁膩。個飽微熱烘過，好軟熟。薯條是幼切，不過因為即炸所以好香口。加埋芝士醬味道又再提高一個層次！成個餐都係$64, 包冰紅茶。特飲另加錢，不過放心，性價比都非常高。另外網上好多人都話Tata Restaurant的熱香餅都係小店每日即整的, 一定要試埋佢!蜜糖焗雞翼全餐配熱香餅 ($47)有一句說話好真:「愈簡單的，愈難整得好食。」Hotcake亦是其中一個例子! 熱香餅的蛋，糖，麵粉份量要精準。這兒的熱香餅比M記煙韌和有蛋香。配上楓糖漿和牛油，簡直係肥十磅的最佳原因。如果份量可以多少少就好啦！蜜糖焗雞翼用了較貴的全翼，肉無縮水。香草份量很多，蜜糖從來也是雞翼的好朋友，好夾。