Oliver's Super Sandwiches (太古城中心)

Open Now

Now Closed

太古城間super sandwich最近終於裝修完。依家有兩部自助落單機唔一定要排隊，點餐過程快好多，而且擺低個傳呼器喺枱面等咗三分鐘都冇就已經有人送埋過嚟我張枱，超級快。我叫嘅呢碟挪威煙三文魚蜆肉扁意粉配刁草忌廉汁，單點就$53，都可以加飲品同湯，但就要六七十蚊。雖然個名聽落好豐富好高級，但原來實際上都冇乜料。啲三文魚得幾粒（甚至唔算「塊」/「片」），而且啲汁有啲少，唔係好夠撈勻循啲麵。唯一比較好嘅係啲蜆肉，不過其實都冇乜味（海鮮？），只係知道咬緊啲係蜆之類嘅嘢。overall味道真係唔係好掂（尤其價錢唔平，不過我都明嘅，我食嘅係鋪租），至於環境就都算唔錯，啱啱裝修完幾靚。