Video
Read full review
2022-08-27
513 views
<快飯之選• 美德冰室> _美德冰室-涼瓜排骨飯$58, 雜果賓治$9, 咖喱雞排意粉$62, 龍鳳檸樂$9 & 阿華田西多士$32 _無錯是日星期六，作為社畜嘅我，今日要執行公司嘅特別任務🙃，山長又遠咁去到觀塘😎由於任務嘅地方就係美徳工業大廈附近，所以上巴士果陣就決定左去目的地勁近嘅美德冰室食個快飯，醫飽個肚先開工😌_入到去諗都唔諗，食我茶記至愛🥰涼瓜排骨飯～雖然依個飯佬味濃，但真係好鬼死正，有一種說不出的情意結💁🏻♀️美德嘅涼瓜排骨飯合格嘅，飯有飯香，如果可以乾身啲更好，至於涼瓜呢有過油嘅，唔會太過澀口同淋身，有咬口😋排骨呢，肉有醃過，冇出現鞋口嘅情況。依度特別嘅，喺平時依個飯好少配冬菇片，多數都係紅椒青椒多，配埋個汁多左少少菇味，依個汁餸飯幾岩胃口🤣_咖喱雞扒意粉呢？正常茶記發揮～但美德嘅咖喱有啲似細過食嘅咖喱葡汁焗意粉/飯嘅回憶味道🥺食落雞扒冇雪味，抵讚位係佢有將汁同意粉分開，可以自己控制食幾多咖喱汁，而且又冇整淋塊雞扒😂比個Like 廚房～_阿華田西多士呢？依款係我今日揀黎美德另一個原因😌因為星期六已經要返工，生活要有一點甜嘅，食件西多士唔過分呀😤重點係對於一
_
美德冰室-涼瓜排骨飯$58, 雜果賓治$9, 咖喱雞排意粉$62, 龍鳳檸樂$9 & 阿華田西多士$32
_
無錯是日星期六，作為社畜嘅我，今日要執行公司嘅特別任務🙃，山長又遠咁去到觀塘😎由於任務嘅地方就係美徳工業大廈附近，所以上巴士果陣就決定左去目的地勁近嘅美德冰室食個快飯，醫飽個肚先開工😌
_
入到去諗都唔諗，食我茶記至愛🥰涼瓜排骨飯～雖然依個飯佬味濃，但真係好鬼死正，有一種說不出的情意結💁🏻♀️美德嘅涼瓜排骨飯合格嘅，飯有飯香，如果可以乾身啲更好，至於涼瓜呢有過油嘅，唔會太過澀口同淋身，有咬口😋排骨呢，肉有醃過，冇出現鞋口嘅情況。依度特別嘅，喺平時依個飯好少配冬菇片，多數都係紅椒青椒多，配埋個汁多左少少菇味，依個汁餸飯幾岩胃口🤣
_
咖喱雞扒意粉呢？正常茶記發揮～但美德嘅咖喱有啲似細過食嘅咖喱葡汁焗意粉/飯嘅回憶味道🥺食落雞扒冇雪味，抵讚位係佢有將汁同意粉分開，可以自己控制食幾多咖喱汁，而且又冇整淋塊雞扒😂比個Like 廚房～
_
阿華田西多士呢？依款係我今日揀黎美德另一個原因😌因為星期六已經要返工，生活要有一點甜嘅，食件西多士唔過分呀😤重點係對於一個花生🥜敏感嘅人，竟然有一款西多士可以喺茶記入面食到，仲要係好味嘅，真係做到有華田味，切落去果去有煉奶爆出嚟，正😈
_
飲品就正正常常la , 加$9 可以飲到特飲- 雜果賓治同龍鳳檸樂，仲想點☺️ 整體CP 值ok 嘅🤓
Post
