醉胡爐

Open Now

Now Closed

如果打邊爐只可以揀一個湯底，首選一定係醉胡爐嘅火焰龍蝦蕃茄海鮮湯底。餐廳店員首先會用清酒炒一下海鮮，之後再加入蕃茄龍蝦湯，湯底本身味道超濃厚，再加有清酒味道，入口鮮甜味道多層次。餐前小食亦相當出色，椒鹽粟米，粟米炒完之後都唔會太乾身，咸咸地甜甜地。手打墨魚丸，餐廳自家出品，傳統手打丸材料豐富，墨魚丸彈牙結實好食。手打蝦丸，確實足料，啖啖蝦肉，乒乓波咁大粒。流沙黃金炸魚皮，就咁食都好好食，放湯食口感不同，咸蛋黃味道適中。