Video
Read full review
2019-09-16
502 views
早大半年前都有食過呢間餐廳，念念不忘，今日再戰。平日星期一嘅七點半，呢到全場滿座，座無虛席，好彩有預先訂位。最近飲食業生意比較低迷的時期，都可以full house，一定有佢嘅原因。呢度嘅裝潢極具日本居酒屋嘅風格， 我哋坐係吧枱， 可以睇住師傅準備唔同嘅菜式。呢度嘅氣氛亦都好適合情侶或者一大班朋友聚餐。前菜 【黑松露滑子菇蟹肉沙律】 $118首先係好香嘅黑松露味，配上酸酸地嘅醬料，幾特別，又非常開胃。而我本人好鍾意食蟹柳，啲蟹柳食得出唔係一味用粉造，真係有蟹肉嘅香味，呢一道我沙律食得好開心。【磯野刺身盛合七款】 $636(牡丹蝦 拖羅 池魚 呑拿魚 帆立貝 三文魚 海膽)一上枱真係心心眼，憑觀感都已經覺得好新鮮。我個人最鍾意係拖羅，好肥美，食入口好香油脂嘅味。牡丹蝦肉質彈牙，一啲腥味都冇，好想encore。帆立貝好大粒，食落口好鮮甜，啖啖肉海膽，好creamy，非常鮮甜，佢仲配埋紫菜俾我哋包住食。池魚吞拿魚同三文魚都係水準之上，呢度嘅刺身非常有誠意！【磯野浜燒貝類盛合】 $788(北寄貝，刀貝，白石貝，文蛤，鮑魚，蟶子)全部海鮮都好新鮮，同埋係即叫即燒，好鮮甜，冇一款令我失望㗎！因為有
平日星期一嘅七點半，呢到全場滿座，座無虛席，好彩有預先訂位。最近飲食業生意比較低迷的時期，都可以full house，一定有佢嘅原因。
呢度嘅裝潢極具日本居酒屋嘅風格， 我哋坐係吧枱， 可以睇住師傅準備唔同嘅菜式。呢度嘅氣氛亦都好適合情侶或者一大班朋友聚餐。
前菜
【黑松露滑子菇蟹肉沙律】 $118
首先係好香嘅黑松露味，配上酸酸地嘅醬料，幾特別，又非常開胃。而我本人好鍾意食蟹柳，啲蟹柳食得出唔係一味用粉造，真係有蟹肉嘅香味，呢一道我沙律食得好開心。
滑子菇蟹肉沙律
25 views
0 likes
0 comments
【磯野刺身盛合七款】 $636
(牡丹蝦 拖羅 池魚 呑拿魚 帆立貝 三文魚 海膽)
一上枱真係心心眼，憑觀感都已經覺得好新鮮。我個人最鍾意係拖羅，好肥美，食入口好香油脂嘅味。
牡丹蝦肉質彈牙，一啲腥味都冇，好想encore。
帆立貝好大粒，食落口好鮮甜，啖啖肉
海膽，好creamy，非常鮮甜，佢仲配埋紫菜俾我哋包住食。
池魚吞拿魚同三文魚都係水準之上，呢度嘅刺身非常有誠意！
磯野刺身盛合
36 views
0 likes
0 comments
【磯野浜燒貝類盛合】 $788
(北寄貝，刀貝，白石貝，文蛤，鮑魚，蟶子)
全部海鮮都好新鮮，同埋係即叫即燒，好鮮甜，冇一款令我失望㗎！
因為有太多款海鮮，我特別推介以下幾款。
鮑魚：肉質非常彈牙，好食。燒得剛剛好，而且size都唔細，好滿足。
貴妃蚌：多肉而且好多汁，食落新鮮，有淡淡的海水味，好正。
蟶子：入口肉質結實，用料新鮮，絕對冇雪藏味。
【四式福餅】$48
食到好飽但都想食少少甜品，呢款甜品非常有日本風味，個名平平無奇，但一上枱擺碟已經有驚喜。好有心思，真係要打一打卡。四款唔同口味嘅福餅，包括鹽漬櫻花 密瓜 焦糖 黑芝麻。食落口有少少似雪米糍，不過就再煙韌啲，口感好QQ。個人來講好鍾意鹽漬櫻花，好特別甜甜鹹鹹嘅感覺，食極都唔會滯，好清新。
特色四式福餅
14 views
0 likes
0 comments
呢度嘅侍應非常友善同體貼，有禮貌，自動自覺加茶。特別係一個女經理(應該是)，不停keep留意住我哋嘅需要，介紹菜式都非常清晰，態度親切和藹，今餐整體來講食得好開心同滿意。
Post
