竹園海鮮飯店 (Closed)

記得以前成日去上環竹園飲茶，不過自從執咗之後，已經無再去其他分店幫襯過。咁啱有事要去跑馬地一趟，便約埋媽媽去飲茶，一入內，已見到有一個很熟面口的男侍應面帶笑容，哈哈，佢仲認得我哋...。有特價點心供應，我哋點咗糖醋炸雲吞及豉油皇炒腸粉，味道不俗，價錢亦只不過是$8.8一碟，認真抵食。另外，我哋仲點咗白灼唐生菜($18)，碧綠龍吐珠($19)及金錢肚($19)。碧綠龍吐珠幾特別，外貌像水晶球一樣，內裡包著碧綠的菠菜，清清哋，幾好食。埋單時侍應送咗芝麻及雲呢拿雪糕俾我哋食，甜到入心。