荳子冰室 (上水中心)

Open Now

Now Closed

懷舊「冰室」路線 尋覓「港」味道一直經過開上水中心都會見到荳子冰室keep 住有人龍排隊。而且好特別，門口亦另外有各式麵包買走。承接港地道冰室特式。新冰室除咗保留住原味道外，最後嘅地方當然係環境舒服咗，食物款式選擇都多啲。不過有時食茶記冰室，唔想食太多嘢。一定會直接叫常餐，而且一定會叫公仔麵。仲要出前一丁🤣！相信大家都會有同感😉燒魷魚鬚撈公🦑 推介👍🏼加上咗店家秘制嘅照燒汁整成。醬汁掛滿曬麵身，啖啖都好滿足。搭配埋爽口彈牙嘅魷魚鬚，好jeng😋燒豬頸肉撈公 世一🐷 豬頸肉肥瘦適中，而且香囗。麵身啱啱好唔會好淋身，而呢款嘅撈麵汁比起燒魷魚鬚個款會淡啲啲，不過都夠惹味。適合唔太好重口味嘅人。除咗常餐之外，碌menu 個陣見到荳子仲有炒飯同焗飯簡，款式都幾多吓。睇落唔錯，所以都叫咗嚟試吓。椰香咖哩汁焗海鮮飯 推介👍🏼一上枱，熱辣辣仲好重椰香。咖哩汁食落唔係個種死咸。配料都豐富，有蟹柳，薯仔🥔，魷魚🦑，魚柳🐟，嗚門卷，青口同蜆肉等等。配埋炒飯底，真係惹味又🈵️足。黃金蟹肉炒飯🦀個賣相好靚，連埋個蟹蓋做伴碟，啱晒打卡。炒飯粒粒分明，夠曬鑊氣。不過略略覺得咸左少少，可能咁啱落鹽重手咗啲😝。