高興 (Closed)

同friend喺觀塘工廠區行到攰，想搵個地方食下午茶，搵搵下就搵左呢間喺工廈入面嘅餐廳，老老實實，個位都格涉，出面又冇招牌，如果唔係用openrice應該唔會搵到間野，雖然係星期日晏晝，但好快已經有位，五分鐘都唔使就有得入座。間野裝修幾特別，模仿舊香港咁，但唔好嘅係啲位幾密，而且冇地毯，所以啲人傾計嘅回音幾大，幾嘈下。因為已經食左晏，唔太肚餓就叫左個朱古力pancake，好快就黎到，佢啲pancake唔太淋厚度亦適中，係嫌佢個朱古力醬同雪糕太甜。佢另外有樣野幾特別，嗌餐仲可以叫玻璃樽維他奶麥精做野飲。