蓮香樓 (Changed Hand) New Restaurant

食物不錯，但最正都係個環境。好有懷舊感覺，好似時光倒流返左舊香港。氣氛好好，同枱既伯伯見我地幾個後生女唔知食咩好，就推介美食俾我地，又同我地閑話家常。伯伯推介麪，炸麪喺出面好似較少見，幾得意。爽脆既麪感配搭豬肉既咬口，都幾新鮮。飲茶點可以唔講茶？蓮香樓既茶香、易入口，不知不覺飲左好多。總結一下，食物水準佳，環境氣氛討好，價錢也合理，星期六日都冇加價，很值得再探訪。下次我打算帶外國朋友黎，俾佢地見識一下舊香港。