金凱小廚 (Closed)

今日又去咗大圍搵朋友，之後佢誠意推介呢間位於美林商場附近嘅平價任食雞煲串燒。先上咗一盤雞煲，雞件份量好足，而且好入味😋😋加入左芫荽同埋洋蔥片，令成個香氣更濃。特別讃佢咸度啱啱好（平時食雞煲都會比較咸）食完雞煲之後就可以進入打邊爐嘅環節，湯底叫咗個比較清嘅：花膠雞湯，湯頭都幾清甜，而且真係有花膠片同杞子肉，率先飲返兩啖再落料！餐廳提供咗肉類、海鮮、麵食、多種鍋物，款式都幾多，安格斯肩胛牛肉唔會好肥，而且冇咩雪味，食落都幾軟嫩。另外魚皮非常脆口，再點埋腐皮，生根呢類比較索湯汁嘅嘢食，真係食到我同朋友舔舔脷啊😗😗而套餐亦都包括左串燒，每人三串，今晚叫左菠蘿、五花肉、蝦、扇貝、牛肉、墨魚丸。特別推介黃金焗扇貝，滋味嘅醬汁非常濃郁，而且冇燒過火👍🏻👍🏻其他嘅調味都啱啱好，帶有少少辛辣，最後配埋件菠蘿就可以清一清喉嚨啦🤭餐廳坐位闊落舒服，職員服務態度都很好。