樓下冰室 (Closed)

好耐好耐無試過食香港傳統風味，於是今日同朋友去荃灣路德圍試下呢間冰室試下😋一入到去已經見到好懷舊嘅裝修，一下子就返去六七十年代嘅感覺呀！聽講呢間冰室最出名就係滑蛋通粉同瑞士雞卑，我地仲叫咗好多款小食🤪🤪好似開懷舊party咁🥳真係推介爆呢個滑蛋蕃茄通粉呀，蛋超級creamy,蛋咪好濃！蕃茄通粉都好正，湯底好濃郁，配埋個魚柳，炸到好鬆脆，炸粉唔厚，完全做到外脆內嫩嘅感覺！👍🏻☺️瑞士雞卑好入味，個汁好香，但個雞卑入味得嚟又唔會煮得太耐，柴咗嘅肉，仲係嫩嘅😌仲嗌咗三個小食，分別係炸雞粒、芝士焗薯角同西蘭花。當中最出色就係炸雞粒，雖然有少少辣，但好脆，食落好惹味！野飲方面，要咗杯紅豆冰同奶茶，嚟到冰室必點嘅兩種飲品，奶茶好滑，下次一定要再嚟！