金記冰室 (置富南區廣場) (Closed)

今天去了薄扶林置富搵朋友，朋友同我去了這間好有特色嘅餐廳，外面望就好似隻船，入到去就見到自己好似入了以前香港小輪嘅感覺！這間餐廳真係好有身處小輪上嘅感覺！望吓餐牌，有不同食物選擇，落單係用QR code 進行，入座後就有店員將QR code 放在枱上供食客使用，時間剛好仍然有下午茶選擇，兩個人分別點了兩份人氣之選，炸雞脾配迷你西多士，同埋午餐肉雞蛋即食麵，等了一陣就見到份炸雞脾配迷你西多士，大大隻炸雞脾，外面香脆外，切開見到雞肉嫩滑軟熟，入口啖啖肉真係下午茶必吃之選！而件迷 你西多亦唔錯，配埋已經溶化嘅牛油同埋糖漿入口，加埋杯香滑奶茶，絕對係茶餐廳感覺！另外五餐肉雞蛋即食麵，上面有一隻半熟太陽蛋加埋一塊厚切午餐肉剛好放在即食麵上，大大碗，亦係香港茶餐廳文化之選，麵身在落單時可選擇軟硬度，又係一個值得讚嘅地方，夠細心！配埋杯飲品超值！在這裡又可以同朋友吹下水，感覺舒服休閒！