Video
Read full review
2023-06-30
96 views
呢間十下火鍋想試好耐，佢係ATUM旗下真心啲質素係有保證，裝修係走懷舊路線！玩味裝修+聽住懷舊金曲食火鍋好過癮！今次好早去到打邊爐所以店內唔係咁多人住，唔會好嘈幾舒服！叫左個二人套餐，咩都有得試下唔使諗正！二人套餐 ($328)💖可以揀單湯底/鴛鴦湯底當然係雙湯底🫶-胡椒豬肚湯滋潤木瓜蕃茄鮮魚湯首先好欣賞兩個湯底都超級足料！胡椒豬肚湯，有酸菜同大量豬肚！淋身好味！鮮魚湯係有大半條魚尾！職員仲會幫手睇到條魚啱啱好熟就上碟方便你食！魚味好濃，但比較多骨～木瓜同蕃茄都好多！配料：1️⃣大刀手切本地牛頸脊(小）手切有厚度有口感！絕對唔會好似出邊啲肥牛太薄，牛味唔錯！唔會太肥！份量都足！2️⃣花雕醉雞醉雞嫩滑！酒味唔會太濃搶左個肉味！完全冇雪藏味！3️⃣十下三寶滑包括有蝦滑、墨魚滑同牛筋滑！牛筋滑都係第一次食，好似食緊超濃味牛丸咁，但又唔會好似丸類咁實淨～呢個軟身好味啲！蝦滑蝦子，同墨魚滑都真材實料！職員仲會好好問使唔使幫你落滑！唔使自己搞！4️⃣鳳城水餃水餃同出面水餃店食個啲同水準！唔會係出面急凍餃啲皮硬繃繃！好足料嘅餃！5️⃣麻辣鴨血可以就咁熱食/放入火鍋食，如果唔怕spicy就咁食多幾惹味！厚身滑lur lu
今次好早去到打邊爐所以店內唔係咁多人住，唔會好嘈幾舒服！叫左個二人套餐，咩都有得試下唔使諗正！
二人套餐 ($328)
💖可以揀單湯底/鴛鴦湯底
當然係雙湯底🫶
-胡椒豬肚湯
滋潤木瓜蕃茄鮮魚湯
首先好欣賞兩個湯底都超級足料！胡椒豬肚湯，有酸菜同大量豬肚！淋身好味！鮮魚湯係有大半條魚尾！職員仲會幫手睇到條魚啱啱好熟就上碟方便你食！魚味好濃，但比較多骨～木瓜同蕃茄都好多！
配料：
1️⃣大刀手切本地牛頸脊(小）
手切有厚度有口感！絕對唔會好似出邊啲肥牛太薄，牛味唔錯！唔會太肥！份量都足！
2️⃣花雕醉雞
醉雞嫩滑！酒味唔會太濃搶左個肉味！完全冇雪藏味！
3️⃣十下三寶滑
包括有蝦滑、墨魚滑同牛筋滑！牛筋滑都係第一次食，好似食緊超濃味牛丸咁，但又唔會好似丸類咁實淨～呢個軟身好味啲！蝦滑蝦子，同墨魚滑都真材實料！職員仲會好好問使唔使幫你落滑！唔使自己搞！
4️⃣鳳城水餃
水餃同出面水餃店食個啲同水準！唔會係出面急凍餃啲皮硬繃繃！好足料嘅餃！
5️⃣麻辣鴨血
可以就咁熱食/放入火鍋食，如果唔怕spicy就咁食多幾惹味！厚身滑lur lur, 同台灣餐廳單點個啲一樣！怕spicy 就放入湯底食！
6️⃣三星蔥醬爆貢丸
真心爆汁！食嘅時候小心唔好彈到對面😆充滿汁同蔥好味！
7️⃣懷舊果皮魚蛋
完全就係傳統小食店嘅魚蛋！估唔到打邊爐食都咁match!
8️⃣蔬菜拼盤
有娃娃菜、生菜、白蘿蔔，粟米同冬菇！全部都超級新鮮乾淨，唔會有爛！特別鍾意冬菇超大隻吸哂湯正！
9️⃣脆炸響鈴
打邊爐點可以冇響鈴？呢個就正常操作！勝在
都幾多！
飲品：冬瓜茶/1 jar +$15.0
本身套餐都包罐裝飲品，但絕對值得加$15要下火特色飲品！冬瓜茶甜到啱啱好！份量夠三個人飲，另外仲有洛神花茶同埋酸梅湯～
整體而言！雖然套餐定價唔平！但勝在每一樣食物都真係有質素，符合性價比！而且枱與枱之間都隔得開唔會好嘈！服務恰到好處！裝修又幾特別！都值得試～宜家openrice 仲有85折coupon!
Post
