賓墟冰室

Open Now

Now Closed

間唔中都會想食下港式冰室/茶餐廳嘅嘢食～ 青衣呢間冰室開咗好多年，係傳統懷舊嘅裝修，晚餐食小菜，有二人餐、四人餐等等～二人餐$150，可以揀2個小菜，有飯同飲品。芝麻燒汁薯仔牛柳粒 $78平時食大牌檔必點！雖然冰室整嘅唔夠大排檔嘅咁有鑊氣，但呢度整嘅都好唔錯喎。牛柳粒肉質好軟嫩無筋，味道都幾好，而且份量足夠！薯仔都幾腍，如果外皮再脆啲就更好啦～南乳香蒜肉排 $75平時比較少見到呢個菜～ 幾鍾意南乳味，就叫嚟試試。份量都幾多，粉漿唔厚，拎起就聞到南乳味，肉排肉質比牛柳粒厚實，但唔韌唔乾，保留到肉汁，加埋香蒜一齊食，幾香口惹味。叫咗凍檸茶同凍朱，正常味道啦～間唔中都可以去支持下屋邨茶餐廳