金記冰室 (Closed)

上次喺某網站嘅團購買咗現金卷，金記冰室就成為咗我近排嘅快食之選。金記冰室嘅裝修風格好懷舊，好似6，70年代既裝修。當然佢食物質素都幾好。平時我就最鍾意叫佢嘅焗豬扒飯同埋黑椒牛舌炒飯。黑椒牛舌炒飯炒得香而不膩，小小辣辣地，好惹味。焗豬扒飯完勝其他連鎖快餐店，滿滿嘅蕃茄汁配合適量嘅芝士，再加上佢嘅炒飯底，即叫即焗，熱辣辣好好味另外佢午餐有套餐揀，跟湯同埋有嘢飲。我哋都試過馬來咖喱雞扒飯，薯仔好林好入味，雞扒稍為煎過之後再煮，好香口。不過佢同其他茶餐廳一樣，坐得比較逼夾，煩忙時間就要預咗搭枱啦。