金記冰室 (Closed)

今日放工約了弟弟去了灣仔集成中心買玩具模型禮物, 走時剛下著毛毛雨, 於是決定在附近找間餐廳食晚飯,  附近有金記冰室, 不作他想, 立即入去揾位.  第一眼看見 "冷氣開放" , 好似時光倒流 50年.  再睇餐牌, 原來 金記冰室 始創於 1967 年..  是日晚餐好大眾化, 價錢合理.餐廳佈置好懷舊, 金漆招牌重掛了紅絲帶. 餐廳分隔成兩部份, 右方牆上有很多富歷史性圖片.  左方牆上有創意遊戲壁畫, 燈飾真特別.   座位整齊, 有卡座.牆上掛了大大細細搪瓷五金盤, 好像小型博物館.檯上餐牌, 有中西式.   弟弟喜歡鐵板套餐, 有湯, 有主菜, 餐茶.套餐未到, 先食個, 客家沙薑雞  (例牌）沙薑雞調味正, 雞肉嫩滑, 有雞味, 弟弟兩件, 我一件, 好快食清. 套餐今日餐湯是中式老火湯, 湯夠熱, 足料有青紅蘿蔔, 豬骨, 清甜. 主菜送來了, 勁熱.... 鐡板美式什扒意粉蒜蓉汁, 好豐富, 有薄牛扒, 雞扒, 豬扒, 煙肉.  配有西蘭花, 車厘茄,  傳統鐵板好保溫. 意粉分開送上.蒜蓉汁, 慢慢淋, 聞到香氣加惹味.腸仔好味. 煙肉吾太肥.   薄牛扒, 煎得香

琴晚又去咗我經常去嘅金記冰室食晚飯，因為夠快靚正，環境唔差，員工幾友善，所以成日來幫襯。今次同男朋友來食咗餐豐盛嘅晚餐。跟餐老火湯好補😃西炒飯 $54茄汁炒香每啖飯，配料有火腿蝦仁，好惹味。一個人食實飽。茄汁黃花魚配白飯 $92黃花魚一分為二，醬汁揀咗多茄汁香濃美味， 黃花魚外皮煙韌，魚肉嫩滑，配一碗香軟綿滑嘅白飯，想食淨都難🤣 四川重慶口水雞例牌 $62重量級醬汁口水雞，醬同油嘅比例一半半。份量都幾多，雞肉都幾嫩口，送飯好開胃。欖菜肉鬆四季豆 $63呢個配搭最夾，咸香惹味欖菜肉鬆配爽口四季豆，令人食完一口又一口😋

最近經過依間金記發現佢哋經常重複，成日都係「咖喱牛脷加魚柳」，我唔想要牛脷呀⋯⋯但真係一個星期起碼有三日都係同一樣嘢，搞到我都有一段時間冇再食。今次下午茶時間嚟到，諗住坐低咗，求其揀一樣嘢食，都諗咗好耐，見到佢哋有新嘅菜式，係秋冬餐牌。川味回鍋肉炒烏冬睇個賣相都幾有誠意，始終唔係午餐快餐，真係師傅即叫即整，夠晒鑊氣！份量亦都非常多，回鍋肉好大舊，不過有唔少係肥肉😅😅鹹香，配埋啲洋蔥，芹菜，都非常惹味。雖然係比較油膩，間中一次半次都OK嘅，起碼搞搞新意思冇咁悶。不過一到咗下午茶時間啲侍應就開始鬆懈，十問九唔應，服務有待改善。

早前試過位於數碼港的金記冰室，用餐經驗不錯，今晚途經灣仔，見到分店，二話不說就入去試試水準。灣仔金記冰室分店感覺比起數碼港更加懷舊，似傳統港式茶餐廳，不過落單已經變得數碼化，可以掃描QR code電子下單，食物款式選擇多，不論小菜、粉麵、鐵板餐都有。我跟朋友點了金粒西多配雪糕、韮黃蝦球炒滑蛋、麻辣啫啫雞煲、銀芽肉絲炒麵、另外一點了一碗惱火中湯及凍奶茶。之前食過盒記的西多配雪糕，十分高質，今天絕對要再試。不過有點美中不足的是店員告知雪糕機壞了，所以未有雪糕球相伴。但西多士仍然保持水準，切成一件件小方塊容易入口，外脆內軟，外邊炸得金黃，煉奶、糖漿及朱古力醬份量適當，不會過甜。第二款上菜的是韮黃蝦球炒滑蛋，滑蛋處理得很好，有蛋香而且滑口；韮黃口感爽脆，至於蝦球本身已經挑走蝦腸，處理乾淨，份量多，隻隻蝦球都大大件啖啖肉，三者配合起來十分滋味！麻辣啫啫雞煲選了小辣，味道麻而不辣，若喜歡吃辣的朋友下次可以選中辣或大辣。雞煲除了有大量雞件外，亦有三色燈籠椒以及豬膶。雞肉半煎炸狀態，有少少脆口感覺，但肉質仍然鮮嫩，絕不鞋口。另外值得一讚是豬潤的處理得宜，似黃沙豬膶口感亦沒有怪味，整個小菜惹味香口，配白

簡單午餐 今日搵金記冰室解決佢豬潤米粉加凍咖啡 西多雞脾配凍咖啡4片豬潤口感沙沙帶點脆 去清無血夠乾淨無腥味 湯底夠濃米粉夠大碗 簡單又好食凍咖啡走甜,飲得出夠濃少奶好提神雞脾即炸要等十分鐘,所以遲過麵餐上菜 西多大大件 仲要配雞脾一隻 超抵食西多炸到金黃色中間仲有牛油同花生醬,又濃又香又脆口 雞脾雞皮又脆又薄,咬開非常多肉汁啖啖肉好味道平均消費$100評分8/10灣仔天樂里6-18號恆安大廈地下D及E舖金記

今次同哩個八字高手師姐食飯，佢係銅鑼灣返工，所以我就佢，約係佢公司鄰近嘅餐廳食飯，因為.... 佢係一位超級大路盲！俾哂地址，手機定哂位，佢都行過龍! 其實佢穿過鵝頸街巿就到，我真係R哂頭..... 最好笑係.... 佢重問我有無行街嘅工介紹，返寫字樓工好悶! 除此之外，金記嘅餐又唔係貴，所以就成為幫襯嘅主因.先點菜後吹水，羅宋湯，韮黃滑蛋炒蝦仁，客家沙薑雞半隻.不得不提一下裝修設計，係6~70年代香港冰室風味，如果貼多D舊海報，播下D舊歌就更入味!女侍應著旗袍就更正! (咪玩啦!)羅宋湯寫明特濃，雖然無想像中咁濃郁，但其實已經濃郁過不少餐廳，起碼一定濃過D快餐連鎖店! 味道偏甜夾自己口味, 而且我食到有牛腩!韮黃滑蛋炒蝦仁每款材料都恰如其分，韮黃新鮮爽脆，雞蛋夠滑，蝦肉夠大隻而且彈牙，滿意.客家沙薑雞半隻係最驚喜，首先唔係得個雞殼，隻沙薑雞係有雞肉，因為依家好多時係餐廳食雞, D雞得個雞殼! 有皮有骨但無咩雞肉!不單只雞肉充足無偷工減料, 肉嫩無渣, 雞皮香滑, 再點上惹味沙薑汁, 一流!吹水期間先知道師姐由土瓜灣搬咗去九龍灣, 原因係租約夠期之餘想搬去D有地鐵站嘅地方, 路盲都有個

週末在銅鑼灣逛街，行到天樂里附近，攰攰地想揾食，竟然有好多選擇，最後呢間金記最吸引我哋店內嘅懷舊感，令人有置身六十年代的感覺食品種類甚多，兩個人叫幾款共享，皆大歡喜我們點了鴨腿湯飯、 金磚風沙炸豆腐、菠蘿咕嚕肉同埋金牌乾炒牛河原隻鴨腿配上時令冬瓜湯，材料簡單但味道濃厚鮮甜，我哋將湯喝到“煲底朝天”鴨腿肉質唔錯，咬落仍有肉汁；湯底唔單單用鴨腿來煲，仲有其它大量葯材同煲，所以湯底特別鮮甜！豆腐夠熱又夠滑，脆漿又夠薄，咬落香脆又可口！最特別係其風沙，係炸過的椰絲，與炸蒜蓉作伴，跟豆腐超夾；好快便KO哂成碟金磚咕嚕肉用上梅頭肉，肉質軟冧而不失咬口，雖炸過但肉汁仍豐盈；棄用罐頭菠蘿而用新鮮的，落足本益食家牛河炒得夠乾身、夠鑊氣，河粉彈牙，牛肉片剛剛熟，好味、超值👍

去過咁多間金記，原本印象不錯，但呢間D員工服務同態度真叫人吃不消。首先想落單叫極都冇人應 (但注意，當時唔係好多客) 總之個個直行直過當透明，終於我要大聲叫唔該寫嘢先有個亞姐好不願意咁走埋嚟，咁我諗住叫個午餐，佢話開始做下午茶，咁好啦，下午茶仲好，平D，之後我問今日嘅中湯係乜嘢？佢話個度寫咗，我未望得切邊度所以再問；「不如你講俾我聽啦？」佢又再講：「個度咪寫咗囉，自己睇啦!」我當時D火即着，我問佢：「你呢種叫咩服務態度？」佢冇理我，入電腦下單後大力放張單响我張枱度。之後湯先嚟，係微暖，唔係熱嘅總之以後唔會再嚟！

又黎飯堂食飯😁😁諗唔到食乜，金記係一個好好嘅選擇，夠穩陣。今次晚餐，發現佢哋有夏日餐牌冬瓜陳皮鴨腿湯飯$58！ 非常吸引。不過，我最後都係揀咗酸甜左宗棠雞😆😆因為聽過依個菜名，但係冇食過，好奇想試吓😁😁例湯同紅豆冰👍🏼👍🏼茶餐廳水準主角酸甜左宗棠雞賣相都幾靚，閃令令有驚喜！酸味好出，甜甜地，非常開胃！爆炒過嘅辣椒同蔥，令佢香味更加勁。啲雞打到脆卜卜，連雞皮都好好食👍🏼👍🏼如果午餐有依個揀，就fat fat了😆😆同事點左個韭黃滑蛋叉燒睇落都幾靚仔我都食咗少少滑蛋，滑👍🏼同埋份量都幾多。估唔到少少一間冰室晚餐都咁有水準仲要就唔同季節，玩玩新意思，對食客來講，有新鮮感之餘又可以識到唔同嘅菜式，唔錯唔錯。本身諗住可以叫埋西多士，但係太飽，唯有下次啦😋😋

2021年5月31日 星期一今晚唔想煮飯，但係又唔知食咩好，同老婆兩個人喺灣仔行吓行吓，諗住見到有咩餐廳就入去食咁啱就見到呢一間冰室，感覺呢間舖頭最近好似好多地區都開咗，口碑都唔錯，所以諗都冇諗就直接入咗去餐廳裏面嘅裝修同餐牌設計都同經典嘅茶餐廳差唔多，好有懷舊嘅感覺，食物嘅價錢都唔算太貴，二人套餐每人都係60幾蚊，於是我哋每人叫咗一個扒餐，再加少少食物一點完餐，店員就送上餐湯，係中式老火湯，似乎落足料煲，飲落去熱辣辣，夠晒滋潤，屋企少煲湯水嘅朋友就啱晒之後當然唔少得茶餐廳必點嘅飲品紅豆冰，我哋每人叫咗一杯，見到紅豆嘅份量差唔多佔全杯嘅一半，真係好誇張，食落去每一粒紅豆都唔硬，又唔會太過甜，同花奶嘅比例配合得啱啱好，真係經典嘅港式味道呢碟沙薑雞係我哋另外叫嘅，因為係店員推介，屬於餐廳嘅招牌菜之一，由於怕食唔晒，所以只係叫咗例牌既份量，但係都估唔到有咁多件，雞整得好入味，每一啖雞肉都食到沙薑嘅濃郁味道，仲有撒上面既炒芝麻，用嚟送飯完全係一流呢兩份三文治都係我哋後加既，因為實在係太肚餓，加上價錢真係好抵，每份都係十幾蚊，仲可以要烘底添，我要既火腿芝士三文治食落去既時候，芝士係可以拉到絲出嚟

冰室食物品種都可以好多元化！就好似先前食左灣仔金記冰室，有好多時日小炒供應，仲有埋老火湯！所以去冰室食飯並唔係失禮既事！係冰室食飯都可以好食。時日老火湯為粉葛赤小豆老火湯，湯頭幾夠味！料都幾足，清潤既感覺。煎封黃花魚，炸得好夠手勢，唔會食出油淋淋油膩感，外層超香脆！炸到連魚骨都食得！脆卜卜感覺好正，內面魚肉都好夠鮮味，最後成條魚食哂，骨都無得剩！四川重慶口水雞，這個醬汁調得好出色，唔會過辣但又會比到味蕾既刺激感，香香麻麻好香，而雞肉都夠嫩滑，雞味都幾濃！欖菜肉鬆四季豆，炒得幾有鑊氣！欖菜肉鬆夠哂惹味。而且份量都幾多！送飯一流。加錢要左杯紅豆冰，質數相當好，紅豆夠綿夠粉！冰冰凍凍好爽！又唔會過甜，好味。叫3餸都夠以食到好滿足，炒餸食飯做得幾好

這家廣為人知的老字號冰室，堅持保存冰室文化，而且在港九新界都有多間分店。今天和朋友選擇到這分店，是因為它的裝潢充滿懷舊主題特色，由冰室門面、餐桌餐椅，都是舊式冰室的模樣，牆上的裝飾和圖畫亦令人回想起七、八十年代的事物。餐牌厚得像一本書，菜式選擇多樣化，都是港式美食，令人的選擇困難症復發。我們樣樣都想食，最終點了一個小菜二人餐、一個焗飯、一個鐵板扒。二人餐的價錢公道，欖菜肉崧四季豆、新鮮菠蘿咕嚕肉都是我的至愛，水準不錯，四季豆咸味適中，配飯一流，用新鮮菠蘿煮的咕嚕，多了一份清新的菠蘿甜香。芝士鮮茄焗炸雞睥飯有點誇張，雞脾很巨型，鮮茄醬下還有炒底飯，是用心佳作。鐵板西冷牛扒薯菜，薯仔是經典波浪厚切，份量很足，牛扒又厚又大塊，是大胃皇的必食推介！餐飲的檸茶、檸賓都有多片厚切檸檬，可見其細微位都做得很足。最後要讚一下那位收銀姐姐，因為我們跟收銀位置近，她間中也有望到我們，她很好笑容，而且很熱情招呼我們，留意到我們差不多用餐完畢，就給我們紙巾，這份細心實在窩心。

之前和男朋友說起兒時玩具，其中一樣是波子棋。今天放工有空，便到附近的玩具店、文具店尋找，結果去了幾間店鋪也沒有賣，想不到這麼難找。逛著逛著，覺得肚子餓了，就去了金記冰室吃晚餐。餐廳裝修靚，牆上好多圖畫，四格漫畫，新聞剪報等，色彩繽紛。天花和椅子都是橙色的，給人精神而又溫暖的感覺。我們叫了一個二人套餐，每人都有小菜，老火湯，白飯和飲品，十分豐富。是日有雪梨粟米無花果老火湯。湯底很清，不油膩。這碗湯熱辣辣，要吹一吹才飲到。入口清甜，有陣果皮味。足料並且無落味精，飲完不會口渴。第一道小菜是XO醬蝦球炒西蘭花即叫即炒，送上來有陣熱氣。蝦球有6粒，都是大粒飽滿，彈牙鮮味。西蘭花保持青翠爽口。微辣的XO醬，為菜式增添了層次。之後送來的是魚香茄子魚柳煲魚香茄子煲用上魚柳是不錯的配搭，有新鮮感。茄子和魚柳都均勻地沾上醬汁，呈現啡色。茄子軟腍，魚柳內里嫩滑，咸香入味，送飯一流。飲品方面，男友叫了凍奶茶，我就叫了杯桂花蘋果特飲。只見飲品上灑滿了桂花花瓣，一點一點的，傳來好香的桂花味，令人放鬆心情。飲品中有蘋果粒和蜜糖，甜而微酸，飲完暖暖的，覺得潤喉。總括而言，食物份量充足而美味，環境舒適，員工親切有禮，招

平時晏晝食飯，都會去下金記冰室，因為價錢合理，分量十足。今晚亦都揀咗喺金記冰室買外賣返屋企，今晚首先買咗兩個晚市套餐，一個係越式鮮菠蘿炆滑雞，亦都係非常足料嫩滑嘅雞，同埋味道突出嘅菠蘿。另外亦都叫咗一個潮式黃花魚，係蒸魚嚟嘅。套餐可以轉特飲，所以就揀咗佢哋兩款清潤花果特飲，一個係桂花蘋果，一個係玫瑰火龍果。兩個都唔錯，特別推介桂花蘋果。之後再叫一個我次次去金記冰室都會食嘅咖喱牛舌意粉，厚厚嘅牛舌，加上唔會太辣嘅咖喱，送飯特別開胃。呢個餐就配左棉滑蛋白杏仁茶，好好滋潤一下。

夜晚放咗工之後冇咩人食，但係水準仍然都係好高質，一啲都冇受影響。疫情之下真係要多多支持值得幫襯嘅餐廳高質素嘅港式羅宋湯，好濃郁好惹味，係真係古老茶餐廳嘅香港人口味。美中不足係偏鹹咗少少。值得推介嘅咖喱牛腩飯，途中為多汁小飯。明明已經少飯但係都好大兜飯😂😂😂唔係嗰啲假嘅螢光咖喱汁，而係真材實料有少少椰香嘅牛腩咖喱汁。有洋蔥薯仔炒野，係最考驗一間餐廳嘅師傅功力。乾炒牛河真係炒得好好，牛肉片好多快，韭菜都好多，食水好靚，吵得好友鑊氣，上咗枱一陣都仲話係出緊煙好夠熱西冷牛扒薯菜，我用app落單，撳錯咗。人哋個菜明明係鐵板西冷牛扒，我最後揀咗碟上，揀錯咗。正常應該係有咋渣聲嘅鐵板上牛扒下邊有好多薯條，好新鮮熱辣辣好好食，蔬菜都好新鮮。西冷牛扒嘅橫切面，我揀咗五成熟，熟度控制得好好。中間粉紅色嘅部份都唔會太un, 外面煎得好香。