老爺冰室 (Closed)

琴晚去完教大畢業禮之後就柴娃娃出返市區食晚飯 由於要買黎緊去旅行用既sim卡同埋朋友想睇電腦野 就出左深水埗 然後又係煩食乜既時候 本身諗住食日本野 但去到間餐廳先發現係要一排咁坐 無得圍埋傾計 唯有轉場 其中一個朋友就建議食呢間老爺冰室 佢話之前食過幾好食 裝修以懷舊同電影做主題 幾有特色 適合影相打卡 我自己叫左個黑松露海鮮炒飯 朋友們就叫芝士撈丁 卡邦尼汁香酥骨焗飯 佢地仲叫左茶冰奶茶同紅豆冰佢地話呢到既炸物炸得幾好 但好可惜我咳食唔到 黑松露海鮮炒飯係大家公認最好食既 一黎好香黑松露味 二黎係佢都幾多款海鮮 有魚翅絲 蜆肉 蝦 魚柳 魷魚蜜焦薯仔牛柳粒就薯仔好食過牛柳 牛柳切得有少少薄 我自己就無叫凍飲 但朋友話奶茶同紅豆冰都唔錯