十六座車仔麵 (Closed)

今日 lunch time，一邊行一邊諗緊食乜，行行下見到一間八九十年代裝修，原來新開咗間車仔麵店， 裝修好特別，好懷舊，所以吸引咗我入去。好大個算盤，好懷舊。點餐紙過咗膠，客人可用蠟筆喺上面揀餸，循環再用，夠曬環保，真心超級讚~~麵嘅款式都好特別 : 紅菜頭麵、菠菜麵、芙蓉麵、蝦子麵、烏冬、刀削麵，當然都有傳統嘅粉麵可以揀。餸方面都有啲比較特別 : 金沙青、蝴蝶腩、牛爽、 日本流心蛋蝴蝶腩蘿蔔豬紅菠菜麵 $41 (最少要3餸起) 蝴蝶腩即係豬嘅橫隔膜連筋帶肉，囗感有小小似牛腩，但比牛腩腍。蘿蔔好入味，豬紅就比較一般。菠菜麵從來冇喺車仔麵店見過，麵質彈牙而爽。