寶石餐廳 (Renamed) View

又係元朗周圍食既時候啦，今日試呢間係巷仔入面既舊式西餐扒房，俗稱豉油西餐，賣點主要係以平價鐵板餐為主，一百幾十就有大大塊扒，走平民路線。今日分別叫左份鐵板牛柳粒同鐵板牛肉眼扒，餐湯分別都係有羅宋湯同忌廉湯，午市無餐包跟。羅宋湯都有唔少蔬菜，口感唔會好濃同都有少少茄膏既酸味同辣咪，一般西餐廳貨色啦。鐵板牛肉眼扒，我跟左黑椒汁同意粉，牛扒較為薄身，都係例牌加左d鬆肉粉，都仲食到少少肉味，其他都係靠個汁去帶出味道，正常水準，意粉都爽口彈牙，整體上算ok。鐵板牛柳粒，同樣牛柳粒都係加左少少鬆肉分既口感，但都食得出肉味，面頭仲有d蒜蓉，個餐本身仲有隻煎蛋，跟飯個飯量就比較少啦。整體味方面以平民西餐黎講算幾好既，如果飯量多返d就更好，一般正常男士食完應該只有6 7成飽。