櫻之滙素食料理 (Closed)

其實本人唔係第一次幫襯呢間餐廳, 都可以話係幫襯左幾年都有讚無彈, 但今晚好明顯水準大不如前, 叫左一碟星洲炒米,上枱嘅時候都未察覺, 但我地夾左落碗食落去嘅時候卻發現係完全咬唔開, 係未熟, 當我地要求再整過一碟嘅時候, 自稱店員嘅女侍應即刻擺出一副臭面再細聲講"D人真係麻煩嫌尖"我本身都無理佢, 點知再一次大力放上枱個碟仍然係之前個碟, 只係加左熱水煲滾返之前我地個碟 (因為從份量睇得出, 我地之前每人夾左一碗, 所以碟中明顯係比原來個碟少)。再上枱個陣店員依然一副臭臉, 當我地同佢理論個陣, 佢反過嚟寸我地話未熟就用滾水淥返熟佢囉 (成碟野變左浸水湯米)! 第一呢個係衛生問題, 第二呢個係服務態度問題, 第三呢個係食物嘅問題。我初時都好有禮貌咁同佢講咁我地唔會要呢碟嘢食, 跟住店員堅稱鋪頭係無得淨cancell呢碟野, 諸多推搪, 又話老闆唔響到唔可以取消野食, 又話食唔食係你地嘅事。 對唔住, 我真係永遠都唔會再幫襯呢間 -  櫻之匯素食料理。