Video
Read full review
2015-05-25
623 views
自從重慶燒大不如前後，試左呢間隔離既大胃燒。老闆好親切，服務由頭好到尾。一睇佢地menu, 嘩！好環保！係過左膠既menu, 用marker寫上去，佢地落晒order就會抹左佢再放返係枱。非常環保有腦既小方法👍講下野食，比佢地獨家既魽魚（唔知有冇打錯名）吸引。老闆話呢隻魚冇骨好滑，對於我呢啲食魚但唔中意lur骨既人係最佳之選👍門面大大字寫住試過難忘 咁就信老闆一次試下。老闆一開始已講明魚即叫即燒，所以會耐啲。等左20分鐘左右到啦。好香！魚已熟但可等多陣等個爐滾啲再食。冇呃人，真係得一條大骨，側面冇細骨我呢啲懶人最岩食！而且真係滑，佢地既醬料方面做得好好夠麻辣！食完好回味食完條魚可用返個爐做打邊爐，我地再叫左碟生蠔，魚皮鮫，娃娃菜同肥牛。生蠔夠大隻，用盤冰冰住。魚皮鮫就麻麻，明顯百佳超市既一大包個啲。肥牛都好好，夠肥美唔多根！佢個湯底因為啲麻辣做得好足，真係之後加咩送落去都好好味👍👍最意外係食完後，老闆話每位會送多客燒蠔同雪米池！雖然燒蠔唔係話好好味但都不過不失。最重要係呢啲卓頭比客覺得有熱誠，好客之道。老闆會係埋單執台個時埋黎問你啲野食ok 嗎? 我地去咁多次，就算老闆唔係到 其他員工
老闆好親切，服務由頭好到尾。
一睇佢地menu, 嘩！好環保！係過左膠既menu, 用marker寫上去，佢地落晒order就會抹左佢再放返係枱。非常環保有腦既小方法👍
講下野食，比佢地獨家既魽魚（唔知有冇打錯名）吸引。老闆話呢隻魚冇骨好滑，對於我呢啲食魚但唔中意lur骨既人係最佳之選👍門面大大字寫住試過難忘 咁就信老闆一次試下。
老闆一開始已講明魚即叫即燒，所以會耐啲。
等左20分鐘左右到啦。好香！魚已熟但可等多陣等個爐滾啲再食。
冇呃人，真係得一條大骨，側面冇細骨我呢啲懶人最岩食！而且真係滑，佢地既醬料方面做得好好夠麻辣！食完好回味
食完條魚可用返個爐做打邊爐，我地再叫左碟生蠔，魚皮鮫，娃娃菜同肥牛。
生蠔夠大隻，用盤冰冰住。魚皮鮫就麻麻，明顯百佳超市既一大包個啲。肥牛都好好，夠肥美唔多根！
佢個湯底因為啲麻辣做得好足，真係之後加咩送落去都好好味👍👍
最意外係食完後，老闆話每位會送多客燒蠔同雪米池！雖然燒蠔唔係話好好味但都不過不失。最重要係呢啲卓頭比客覺得有熱誠，好客之道。
老闆會係埋單執台個時埋黎問你啲野食ok 嗎? 我地去咁多次，就算老闆唔係到 其他員工都會過黎問你，感覺好好。
唔需要加一，送燒蠔，服務態度好，價錢唔算太貴。大胃燒係我覺得可以長期幫襯既熱誠之店👍
Post