Grove Sandwiches (柯布連道) (Closed)

中午嚟買午餐，諗住外賣湯通粉返公司食。點知點餐時負責收銀嘅女店員話冇裝通粉嘅外賣兜，要堂食。等嘅同時聽到後面嘅人都係嗌湯通粉，但冇留意外賣定堂食。結果嗌號嗌咗我嘅後一個先，即係頭先都係嗌湯通粉嘅男士。見嗰位男士竟然係外賣拎走！我即時問店員點解我地嗌同一個餐，人地有得外賣，我就冇外賣兜要堂食？店員仲要話「人地先過你吖嘛」。我俾張收據佢睇，證明我比頭先嗰位男士前一個號碼。店員用好兇嘅語氣問「咁你想點吖！」。另一邊負責出餐嘅女店員話我個餐已經ok，我問多次點解遲過我點餐嘅人有外賣兜，但我冇外賣兜？係咪見我好恰？嗰位負責收銀嘅女店員仲要補多句「咁而家咪冇外賣兜囉！咁你想點吖」，態度非常差！我表示只係想知點解我冇得外賣，而店員就覺得我搞事。最後由裡面備餐嘅女店員提議用裝意粉嘅錫紙兜嚟裝濕嘅湯通粉，但倒入去時滿瀉，無論係錫紙兜底部還是膠袋都濕晒，成件事都處理得好差。我知道快餐店無必要過度要求服務質素，但做錯嘢唔道歉仲要兇返人轉頭係想點？呢位收銀嘅女店員知唔知自己有咩問題？一個店員足以玩臭間店嘅名譽。永遠唔會再幫襯。