Video
Read full review
2012-04-19
4 views
小女子一向冇寫開食評的習慣, 但今次卻不寫不能下嚥我當天的不快!先說服務態度, 我完全唔可以想像香港有如此「大牌」、無禮的食肆，店中僅有一位年約廿多歲的較男性化的女服務員下單，未坐低就話「冇蝦冇花生（粥）」，然後不斷重複呢句說話，好似數白欖咁，態度已令人感到古怪，不過我本著來這來嘗試的目的，初初以為她好心，怕顧客聽唔到，不以為已。我們叫了一個腸粉及一個菜乾粥，待我們下單後，那位女服務員話腸粉要等15分鐘，因為人多，要等耐D，我話唔緊要，心想如果個個話好吃，等下有乜所謂。等了十分鐘，粥先來，我滿心期待，因為鴨腎菜乾豬骨粥，應該好咸香，好好味，點知一D味都冇，好似白粥水咁，淡而無味，連菜乾和鴨腎應有的香味都冇，而且成碗粥，找不到一個鴨腎，D鴨腎好似用攪拌機攪到爛晒咁，已無跡可尋，但呢碗野值17元，頓時已覺得呢間店名過其實，過譽了！都唔緊要，就當我呢個小女子食野刁鑽，咁我咪繼續等個腸粉，真係等了又等，等了又等，等左25分鐘，腸粉都未來，我就找那位女服務員詢問，自問小女子都有禮貌，問：等了腸粉很久了，可否幫我催催？點知女服務員好冇禮貌話：我話起碼要等半個鐘啦！我好愕然：下！之前你下單時話等約1
先說服務態度, 我完全唔可以想像香港有如此「大牌」、無禮的食肆，店中僅有一位年約廿多歲的較男性化的女服務員下單，未坐低就話「冇蝦冇花生（粥）」，然後不斷重複呢句說話，好似數白欖咁，態度已令人感到古怪，不過我本著來這來嘗試的目的，初初以為她好心，怕顧客聽唔到，不以為已。
我們叫了一個腸粉及一個菜乾粥，待我們下單後，那位女服務員話腸粉要等15分鐘，因為人多，要等耐D，我話唔緊要，心想如果個個話好吃，等下有乜所謂。
等了十分鐘，粥先來，我滿心期待，因為鴨腎菜乾豬骨粥，應該好咸香，好好味，點知一D味都冇，好似白粥水咁，淡而無味，連菜乾和鴨腎應有的香味都冇，而且成碗粥，找不到一個鴨腎，D鴨腎好似用攪拌機攪到爛晒咁，已無跡可尋，但呢碗野值17元，頓時已覺得呢間店名過其實，過譽了！
都唔緊要，就當我呢個小女子食野刁鑽，咁我咪繼續等個腸粉，真係等了又等，等了又等，等左25分鐘，腸粉都未來，我就找那位女服務員詢問，自問小女子都有禮貌，問：等了腸粉很久了，可否幫我催催？點知女服務員好冇禮貌話：我話起碼要等半個鐘啦！我好愕然：下！之前你下單時話等約15分鐘喎...點知女服務員話：我冇！我肯定冇！我從來都冇話過！（但我同老公在下單時都聽到！）都唔緊要，就當我地四隻耳仔都聽錯，但最嬲係個女服務員繼續講：你要我催，得！不過廚房越催越慢喎，你要唔要試下呀！
我聽完之後，嬲到想鬧返佢，但我免得在人群面前有失身份，於是我和老公都拿起行裝話：咁我唔要啦，剩係計碗粥錢！然後女服務員好似唔相信顧客會唔等個招牌腸粉，一路眼超超望住我地，一路同我地埋單！
坦白說，要講到食宵夜，香港大把地方有，要食呢D中式粥腸粉，有風味有特色的又肯搏，大有店在，都唔止一間，總之咁既服務態度和食物質素，我係唔會再幫襯！
Post