Video
Read full review
2022-05-22
820 views
話就好多同事話呢間餐廳好食。終於有個lunch 時間得閒小小，所以特登走過去試下係咪咁好食，點知….情況慘過食屎！（唔係指食物）我一入去見到，其實有好多位係度，我入去搵個無乜人位座，點知個男職員（應該係老闆）叫我去另外一張枱搭枱，話轉頭可能有好多客，我話咁多位都要？佢話係，如果唔係叫我去其他地方幫襯，我算，搭枱就搭枱。之後我order左意粉，諗緊飲乜，大概真係2-3秒諗左，點知個男職員勁唔耐煩大聲話：你諗好再嗌啦。場面勁尷尬，都算 無問題，可能佢真係忙姐（但個場無乜人）食完去埋單啦，呢下真係燥。我比500蚊紙，佢話無得找，我話我去一去出面唱散，再番黎比佢，佢勁大聲講：你咪諗住食霸王餐呀。全場都聽到，搞到好似我問題咁。我好聲好氣話我係諗住比錢 你無錢找，我出去找散比你，我又唔係無錢比。之後真係佛到有火！個男職員勁大聲：個個都比500，個個都話無散紙，個個都話出去唱，我地咪好唔得閒！之後好彩有個客有散紙同我唱，我先埋單走人。決定以後唔再黎！希望佢地生意興隆！：男職員（應該係老闆）小小肥，黑黑地，仲之就無禮貌啦！樣又衰，咁厭世唔好做啦！黑口黑面咁，睇到佢都唔開胃！
終於有個lunch 時間得閒小小，所以特登走過去試下係咪咁好食，點知….情況慘過食屎！（唔係指食物）
我一入去見到，其實有好多位係度，我入去搵個無乜人位座，點知個男職員（應該係老闆）叫我去另外一張枱搭枱，話轉頭可能有好多客，我話咁多位都要？佢話係，如果唔係叫我去其他地方幫襯，我算，搭枱就搭枱。之後我order左意粉，諗緊飲乜，大概真係2-3秒諗左，點知個男職員勁唔耐煩大聲話：你諗好再嗌啦。場面勁尷尬，都算 無問題，可能佢真係忙姐（但個場無乜人）
食完去埋單啦，呢下真係燥。
我比500蚊紙，佢話無得找，我話我去一去出面唱散，再番黎比佢，佢勁大聲講：你咪諗住食霸王餐呀。全場都聽到，搞到好似我問題咁。
我好聲好氣話我係諗住比錢 你無錢找，我出去找散比你，我又唔係無錢比。
之後真係佛到有火！
個男職員勁大聲：個個都比500，個個都話無散紙，個個都話出去唱，我地咪好唔得閒！
之後好彩有個客有散紙同我唱，我先埋單走人。決定以後唔再黎！希望佢地生意興隆！
：男職員（應該係老闆）小小肥，黑黑地，仲之就無禮貌啦！樣又衰，咁厭世唔好做啦！黑口黑面咁，睇到佢都唔開胃！
Post