Kim's Spoon (MegaBox) (Closed)

一家大細嚟MegaBox玩，諗住搵間地方寬闊啲嘅餐廳食飯。所以，就決定食呢間。韓國餐廳一般都有免費嘅前菜食，但呢一間係冇提供嘅。韓式部隊鍋都係嗰啲嘢，年糕，午餐肉，腸仔。佢只加咗一匙羹辣椒油調味，成煲野都剩係得個辣味。完全冇韓式辣醬、泡菜嘅味道。味道非常一般。辣炒年糕超級無敵辣‼️辣到我哋成枱人食咗一半就唔敢食。最後拎咗返屋企加啲芝士先可以食埋佢。其他嘅食物都係不過不失。冇乜特別。街外有好多韓國小舖整嘅嘢食韓國風味十足。但呢一間連鎖嘅韓國舖頭價錢貴但嘢食又麻麻，想坐得舒服都可以嚟下。