村爺爺車仔麵 (Moved) New Location

幾次行街經過見到呢間車仔麵都冇機會試, 今晚心血來潮想試一下。姐姐話有2款湯底 - 龍蝦湯同豬骨湯。貪得意試龍蝦湯。。。就出事啦。點埋幼麵, 紅腸, 雞翅, 魚腐同墨丸。龍蝦湯底溝得好烯好烯, 跟幼麵唔夾, 兩者彷彿獨立而存在响同一空間,麵又冇味, 惟有飲幾啖湯, 感覺怪怪。 紅腸好咸, 魚腐普通, 雞翼鞋口, 但墨丸ok。 食完好口乾, 好彩姐姐送盒飲品俾我。一個車仔麵4餸$61. 價錢唔係問題但我介意水準咁。。。。真心唔好食, 但服務的姐姐態度好好, 讚一個。