Video
Read full review
2023-01-26
880 views
喺太古坊返工，平日中午食飯時間經過唔算多人等，今日天氣凍，想食湯粉面，便相約友人首次嘗試這餐廳！當日黎到大概12點45分左右，喺門口等咗10分鐘左右就入得。我哋安排到坐最入嘅兩人位，地方淺窄，有啲迫！睇吓餐牌有套餐，又有單叫。套餐包一碗麵，一個小食，以及一杯飲品，因為驚食唔晒，所以冇嗌套餐。友人介紹呢間餐廳出名，食蝦湯麵，因此我就點了一個蝦肉魚片摻摻面。下單需要QR code，本人不是太喜歡用code下單，對於年長一輩可能更太方便！過了10分鐘，碗麵嚟到，聞落唔係太香，湯底比想像中清淡，先飲一啖湯，湯底唔太鮮甜，味唔算濃，適合姥姥🤣再食一粒蝦肉，同我想像中的口感差天共地！🫣本來以為蝦肉爽口彈牙，點知鞋過沙紙！直程好似蝦干！又乾又鞋又靭嘅質感！佢應該係將啲蝦煲湯，覺得唔好嘥，再放返係碗麵度，俾人有真材實料嘅感覺！不過大佬呀，鞋到咁，真係唔放好過放，我寧願行返幾粒急凍蝦仁落去好過！仲要收我$64！太唔值啦！反而魚片彈牙爽口，一碗有四片！係有應有嘅份量！至於摻摻面，夾雜油面同米粉，米粉爽口但唔算太滑，油面還可以，冇乜特別，正正常常！服務方便，因為冇服務，所以無+1！整體嚟講，如果要食麵嘅真係
當日黎到大概12點45分左右，喺門口等咗10分鐘左右就入得。
我哋安排到坐最入嘅兩人位，地方淺窄，有啲迫！
睇吓餐牌有套餐，又有單叫。套餐包一碗麵，一個小食，以及一杯飲品，因為驚食唔晒，所以冇嗌套餐。
友人介紹呢間餐廳出名，食蝦湯麵，因此我就點了一個蝦肉魚片摻摻面。下單需要QR code，本人不是太喜歡用code下單，對於年長一輩可能更太方便！
過了10分鐘，碗麵嚟到，聞落唔係太香，湯底比想像中清淡，先飲一啖湯，湯底唔太鮮甜，味唔算濃，適合姥姥🤣
再食一粒蝦肉，同我想像中的口感差天共地！🫣
本來以為蝦肉爽口彈牙，點知鞋過沙紙！直程好似蝦干！又乾又鞋又靭嘅質感！佢應該係將啲蝦煲湯，覺得唔好嘥，再放返係碗麵度，俾人有真材實料嘅感覺！不過大佬呀，鞋到咁，真係唔放好過放，我寧願行返幾粒急凍蝦仁落去好過！
仲要收我$64！太唔值啦！
反而魚片彈牙爽口，一碗有四片！係有應有嘅份量！
至於摻摻面，夾雜油面同米粉，米粉爽口但唔算太滑，油面還可以，冇乜特別，正正常常！
服務方便，因為冇服務，所以無+1！
整體嚟講，如果要食麵嘅真係唔使幫襯！如果為湯底而來，都可以試一次，不過一次就夠！3/10分
蝦肉魚片蝦湯麵
$64
22 views
0 likes
0 comments
Post
