点心代表 (Closed)

幾年前食過一次之後對依間店無咩好感 最近朋友見佢地出左百變小櫻 佢就好想試😝咁我就陪佢黎下 大約7:15 唔洗等位 限時一個鐘 要同人搭枱 夾係中間都幾逼 見到個個都有叫小櫻系列既點心 睇黎都幾受歡迎🤭😯我地叫左腸粉 櫻花蝦餃 春卷 甜品 小櫻紫薯包🤘🏻朋友叫左荔枝乳酪特飲 我都係飲返傳統茶 人蔘烏龍 茶要另外收費 每位12蚊～ 人蔘味幾重 比起食物價錢合理 講返食物 櫻花蝦餃上面係玫瑰花黎 食落個皮比出面茶樓厚 係我無咁鐘意既地方 春卷整到好似零食咁 長條形 幾特別 紫薯包兩個就45蚊 覺得不太合理 味道同出面茶樓差不多 但整體黎講樣樣點心都不過不失 只適合打卡 想飲茶都係去返茶樓啦🤪🤣兩位人均消費172蚊