Flamingo Bloom (Closed)

好少咁樣講一間鋪頭但係呢間鋪頭真係不了! 之前成日見到好多朋友喺社交網站打卡都係影呢隻粉紅色嘅雀 今次有幾位外國朋友返咗嚟香港諗住搵間嘢飲下 經過我哋就入咗去啦 入到去我哋分別叫咗幾杯飲品 飲品嘅價錢一啲都唔平 每杯都要30-40 比其他手搖飲品店略貴 本身諗住咁多人打卡同埋價錢唔平應該都唔會伏 點知飲落去少少果味都冇 基本上淨係飲到茶嘅苦味 叫咗個玫瑰乜乜奶 飲落去玫瑰嘅味道非常之淡 個人覺得呢間飲品同咁多間飲過嘅嘢飲相比 性價比非常之低最搞笑嘅係如果你哋想另一隻粉紅色嘅雀仔打卡係需要另外加錢去買既 令我有啲懷疑呢間鋪頭到底係賣飲品食物定係賣雀仔打卡