霞小飛 (Closed)

餐廳地點不俗，門面裝潢有質感，價錢都貴貴地，不過可惜食物質素完全脫節，性價比奇低。如果價錢打6、7折，都可能會俾OK唔洗俾喊叫左二人餐，每人自選一款湯。朋友食宋嫂魚羹，我就飲杏汁白肺湯。杏汁白肺湯已令人失望，首先佢聲稱係燉湯，但溫度嚴重不足，同「不」出黎嘅是日例湯冇分別，味道方面，零杏仁味，一飲就知係現成雞湯味 前菜揀左雞絲粉皮同四喜烤麩。雞絲粉皮味道靠麻醬，正正常常，而四喜烤麩就咸到好似浸豉油浸左幾日咁食左一舊就冇食了......兩款主菜分別係清炒蝦仁同糖醋魚塊。清炒蝦仁調味淨係用左鹽，但太咸了，落得太重手，啲蝦仁細粒到蝦米咁，但食一粒都要立即「爬」飯。糖醋魚塊啲魚塊有啲似斑塊，唔錯，不過個汁較得太濃太酸，食完個口都唔太舒服。甜品酒釀丸子個湯好大陣桂花味但完全冇酒香。