Video
Read full review
2024-05-25
318 views
磯の水產 - 觀塘📍觀塘海濱道133號萬兆豐中心地下3號舖估唔到呢度有間唔錯嘅居酒屋，假日晚上都有唔少客人。餐單有好多唔同嘅種類，刺身壽司、串燒、鍋物都有，飲品更加多選擇，有酒精冇酒精都一大堆。價錢都幾合理。蟹籽沙律 - $58大大份嘅蟹籽沙律都係唔過60，真係好抵食。青瓜絲爽脆，淡淡都包含着好多蟹籽，好有口感，而沙律醬又唔會太多，適中。極上牛小排鍋 - $148 過密都有好幾款，我哋揀咗一個牛嘅，仲要高級少少嘅牛，再加半個烏冬跟鍋上($30)。湯底係壽喜燒味，淡淡嘅甜豉油，配上津白，好清甜，仲有豆腐、冬菇、金菇、鳴門卷，好豐富。牛嘅份量都唔少，好似食極都仲有，質素都唔差，一啲都唔會柴。烏冬亦都夠晒彈牙，送牛肉鍋一流。磯之卷 - $98 呢個卷係一睇Menu就好想叫嘅，紫菜腐皮卷入邊包住飯再包住吞拿魚蓉，上面有吞拿魚蓉再加海膽，再加大蟹籽，呢個配搭真係不得了，一個一啖part落口，鮮味滿滿，超級滿足。七彩火龍卷 - $68呢個外表都好吸引，係炸蝦手卷，外面沈咗一啲七彩嘅芝麻同埋調味粉，顏色好豐富，味道都好唔錯，值得一讚係炸蝦超級香脆，真係即叫即炸。燒鯖魚 - $58呢個價錢食到呢個份量
📍觀塘海濱道133號萬兆豐中心地下3號舖
估唔到呢度有間唔錯嘅居酒屋，假日晚上都有唔少客人。餐單有好多唔同嘅種類，刺身壽司、串燒、鍋物都有，飲品更加多選擇，有酒精冇酒精都一大堆。價錢都幾合理。
蟹籽沙律 - $58
大大份嘅蟹籽沙律都係唔過60，真係好抵食。青瓜絲爽脆，淡淡都包含着好多蟹籽，好有口感，而沙律醬又唔會太多，適中。
1 views
0 likes
0 comments
極上牛小排鍋 - $148
過密都有好幾款，我哋揀咗一個牛嘅，仲要高級少少嘅牛，再加半個烏冬跟鍋上($30)。湯底係壽喜燒味，淡淡嘅甜豉油，配上津白，好清甜，仲有豆腐、冬菇、金菇、鳴門卷，好豐富。牛嘅份量都唔少，好似食極都仲有，質素都唔差，一啲都唔會柴。烏冬亦都夠晒彈牙，送牛肉鍋一流。
1 views
0 likes
0 comments
磯之卷 - $98
呢個卷係一睇Menu就好想叫嘅，紫菜腐皮卷入邊包住飯再包住吞拿魚蓉，上面有吞拿魚蓉再加海膽，再加大蟹籽，呢個配搭真係不得了，一個一啖part落口，鮮味滿滿，超級滿足。
14 views
0 likes
0 comments
七彩火龍卷 - $68
呢個外表都好吸引，係炸蝦手卷，外面沈咗一啲七彩嘅芝麻同埋調味粉，顏色好豐富，味道都好唔錯，值得一讚係炸蝦超級香脆，真係即叫即炸。
2 views
0 likes
0 comments
燒鯖魚 - $58
呢個價錢食到呢個份量真係抵到不得了，鯖魚外面燒到好乾身，有少少鹹味嘅調味，入面魚肉都好Juicy好滑，推薦。
2 views
0 likes
0 comments
三文魚小卷/ 三文魚手卷 - 各$28
同行朋友最鍾意食三文魚，所以都點咗呢兩件試吓，三文魚好新鮮，特別係手卷入面有兩大塊，比得好大方。
0 views
0 likes
0 comments
日本汽水 - 各$68
係日本懷舊汽水，外表打卡就可以，飲落就比較似糖漿加梳打，不過不失。
Post
