唐

Open Now

Now Closed

今日係同女朋友嘅大日子，所以一早就預訂好位於屏山嘅「唐」，住喺元朗有咁上下歷史嘅居民都應該知道以前該處係惠群小學，勢估唔到依家會變咗間餐廳！呢度氣氛唔錯，有遊樂設施提供俾小朋友，有人現場唱歌，泊車又係免費，論位置同地方絕對值得幾個家庭「一家大細」嘅親朋戚友多人去聚會食物方面，老實說性價比真係唔高，我覺得價錢貴唔係問題，最大問題係食物反映唔到價錢嘅質素。先講頭盤，我相信算係我哋兩個叫咗最好食嘅一碟，有芝士、密瓜同parma ham，食完的確係幾開胃。之後到主菜就係肉眼扒同廚師推介嘅雞肉pizza，肉眼扒5成熟但係食落似7成，肉汁係豐富，不過太多筋。至於pizza就完全冇特別，真係去pizza hut求其叫個都好食過呢個！飲品我叫咗檸檬加薑，薑味唔夠辣，如果辣多少少會好飲好多。女朋友叫咗杯特飲，反而呢杯就幾特別，但係名就唔記得，可以睇相參考下。