鮪世市場 (鴻威大廈) (Closed)

旺角花園街一帶原來隱藏咗唔少餐廳，呢日lunch試咗一間日式料理，頗有驚喜。午市定食主打有刺身丼飯同壽司定食等，價錢由$78- $278，配埋沙律、麵豉湯同埋蒸蛋。火炙左口魚邊丼（$98）- 左口魚好肥美新鮮，入口好滑，味道鮮甜。唔好見佢好似好細碗，原來個碗都幾深，分量都唔少。炙燒壽司盛（$138）- 包括有八件壽司，幾款刺身壽司都好新鮮，尤其係劍魚腩、左口魚、三文魚，質素相當高。呢個set係炙燒壽司，帶少少焦香味，令味道更加有層次。餐廳環境舒服，有卡位及吧枱選擇，可以望住師傅準備食材。食物質素相當好，尤其係午市價錢更加抵食。