裕泰牛什越南河

Open Now

Now Closed

有時經過旺角太子，都會忍唔住去呢間牛腩店，未入到去舖頭，你只要經過，就一定聞到佢隻牛味，間舖頭永遠都咁多人，但係人流流轉得好快，所以你一定有位，當然呢度啲環境真係麻麻地，而且坐得好唔舒服，但係價錢真係平！質素又真係好高！次次去到都想睇吓有冇崩沙腩，但係真係出得好少，今次又係食唔到，不過佢啲普通牛腩都好正，一樣好有牛味，所以難怪成條街咁多間牛腩店，佢都屹立不倒！而且老闆好有人情味，知你買唔到，佢都會問你有冇興趣食啲特別嘢！試過食脆骨，都好好食！今次就食牛X！開頭唔係好敢食，試咗又幾特別！總之我經過一定會幫襯！正!