牛大人台灣火鍋吃到飽

Open Now

Now Closed

牛大人開到各區都有就知受歡迎，知道牛大人由7月4日起同dreyer‘s 合作，可以任食dreyer‘s，仲要有開心果味，即刻同老公BOOK位去食!將軍澳店第一次黎，入面好乾淨，非常新淨寬敞，店員嘅服務態度都好親切有禮。今次我地簡左極上和牛吃到飽套餐💰$328，湯底選擇係台灣濃香蕃茄鍋仲會按人頭免費送澳州和牛牛丸(2粒)，真係牛味特別濃郁好味!極上和牛可以任點以下幾款牛:🐮澳洲和牛M5 牛肩卷🐮安格斯特選牛板腱🐮美國PRIME極級肩里肌🐮安格斯牛小排每款牛都勁出色，全部肉味都好濃郁，最鍾意係牛小排具有嫩滑的口感和豐富的肉汁。自己order選擇都勁多，好似蝦咁都非常新鮮結實彈牙，老公讚過不停！除左打邊爐配料，有好幾款熟食可以點，完全唔驚餓！出面自取櫃有好多不同選擇，光是飲品已經有四款凍茶類，二款熱茶，起碼十款不同既罐裝飲品，最正既係有得免費Order鴨屎香檸檬茶，依到既茶底有別於坊間，我個人超鐘意!而丸類有爆濃芝心丸、紫芋丸、芋頭貢丸等等；菜類唔少得娃娃菜、生菜等等，太多選擇，你唸到唸唔到既，牛大人都有!仲有好特別既係面類方面，除左有烏冬外，竟然有雞絲麵、新竹米粉、王子麵，真係好台灣既感覺