Video
Read full review
2023-02-28
193 views
星期日好天氣好心情諗住試間環境幾靚嘅cafe, 睇到OpenRice評價好味有50個唔好味得幾個, 心諗都應該無死啦, 覺得唔好味嘅可能係咁啱得咁橋姐, 入到去餐廳都覺得個格局唔錯好有日本風味, 坐低咗睇一睇餐牌lunch$168一個餐, ok! 唔係成日食咁貴一餐半餐就試試佢咩料! $168嘅Lunch包前菜+米意粉+麵包+湯+兩款小皿, 唔包飲品湯揀咗奶油燉野菜雞肉濃湯, 小皿分別揀咗慢煮雞肉配蜂蜜柚子胡椒同日式明太子野菌酥皮脆盒, 另外叫咗杯熱嘅日本濃厚黑芝麻飲首先! 上個湯嘅時候下面配埋個蠟燭仔繼續座熱, 湯嚟講個溫度就算用唔用蠟燭仔座熱都應該要係熱架啦, 但大佬呀成兜嘢連暖都唔係, 味道唔止淡而係連奶油或者雞味都無, 連自己開個金寶湯煮兩煮都好味過佢, 味道同溫度擺埋一邊, 講埋個份量, 真係好嘢! 成兜嘢得三舊雞肉、兩舊薯仔、兩塊蘿蔔片同兩舊西蘭花…就係得咁多! 咦!! 而家食Lunch喎, 有無飽肚少少嘅澱粉質, 原來係有嘅! 麵包前面嗰兜仔就係米意粉, 侍應話倒埋入個湯嚟食, 撈埋落去食都唔見得有飽腹感, 亦無口感, 極度失望! 嗰碟慢煮雞肉凍嘅都預咗, 但成餐無一樣
$168嘅Lunch包前菜+米意粉+麵包+湯+兩款小皿, 唔包飲品
湯揀咗奶油燉野菜雞肉濃湯, 小皿分別揀咗慢煮雞肉配蜂蜜柚子胡椒同日式明太子野菌酥皮脆盒, 另外叫咗杯熱嘅日本濃厚黑芝麻飲
首先! 上個湯嘅時候下面配埋個蠟燭仔繼續座熱, 湯嚟講個溫度就算用唔用蠟燭仔座熱都應該要係熱架啦, 但大佬呀成兜嘢連暖都唔係, 味道唔止淡而係連奶油或者雞味都無, 連自己開個金寶湯煮兩煮都好味過佢, 味道同溫度擺埋一邊, 講埋個份量, 真係好嘢! 成兜嘢得三舊雞肉、兩舊薯仔、兩塊蘿蔔片同兩舊西蘭花…就係得咁多! 咦!! 而家食Lunch喎, 有無飽肚少少嘅澱粉質, 原來係有嘅! 麵包前面嗰兜仔就係米意粉, 侍應話倒埋入個湯嚟食, 撈埋落去食都唔見得有飽腹感, 亦無口感, 極度失望! 嗰碟慢煮雞肉凍嘅都預咗, 但成餐無一樣嘢係熱嘅, 因為叫咗嗰杯熱日本濃厚黑芝麻飲都唔係熱嘅😂$60杯嘢又細杯, 成餐唯一得嗰個日式明太子野菌酥皮脆盒係暖暖地…食完個餐見唔飽另外再叫咗個$70丹麥骰子香緹奶油吐司焙茶味, 諗住咸食唔得就試下甜食, 都係無咩特別不值一提!
除咗食物唔得之外, 服務都唔見得好好, 侍應有兩個, 見到在場所有枱上晒嘢食之後, 見隔離枱嘅食客想搵侍應但搵唔到, 直到我要埋單就行出去收銀枱, 原來兩個侍應就係坐咗係好高嘅收銀枱後面傾計㩒電話, 所以入面嘅食客想搵人都搵唔到, 而坐係餐枱望入去廚房一目了然, 明知會比食客睇到晒入面嘅一舉一動都唔做好少少, 見到入面嘅廚師將兩個丹麥骰子香緹奶油吐司互相拍嚟拍去好似當玩咁, 沖嘢飲唔熟手都算, 但見到有廚師…咁唔專業都唔知成班係唔係廚師, 廚房入面有職員仲無戴手套就拎部手機出嚟㩒, 㩒完再整啲吐司都無戴手套或者洗手先掂, 唔專業之餘衛生都唔見得做得好…
未食完成餐已經食到成肚火, 好耐無試過去餐廳食嘢食到咁嬲!!! 真係搞唔掂! 徙錢之餘仲破壞咗成日嘅心情!
Post
