Item: 臻滋味茶飲小食快餐
Rating: 3
Author: Bishop

Bishop

Level2

見到撈麵餐同台式飲品突然想試。見到無食評都有D擔心，但最後都㰻起勇氣試咗：撈麵，加炸雞翼3隻，3 粒章魚丸，一杯菠蘿果茶（$60）。另加士多啤梨益力多一杯（原價$48）。撈麵如expected係indomie，大家知值幾錢一包。7仔撈麵餐30幾已經可以食到雞肶，咖哩魚蛋，咁我當$60有一半係杯嘢飲錢。炸雞翼仔蚊型（約5-6cm長）, 幾好味但實在太細隻。章魚丸放埋落個麵度，完全無燒汁無沙律醬，乾曾曾3粒嘢，味道無問題但又唔可以話好食咁，但要自己出日本炒麵醬，我要比唔合格佢。杯菠蘿果茶，好香...菠蘿香料味，無茶味，一杯得個甜字嘅菠蘿香料味糖漿水，絕對唔值$30。杯士多啤梨益力多，打開鼻塞都聞到好香...士多啤梨香料味，無咩益力多味，有D士多啤梨打咗落去。總之又係一杯好有香料味嘅飲品，賣$48喎，我比佢值$18。哩餐咁就食咗$96（折咗）。對比7仔30幾，再飲啖香精茶。沉思下，點解咁嘅性價比都仲健在嘅呢？

Read full review

見到撈麵餐同台式飲品突然想試。見到無食評都有D擔心，但最後都㰻起勇氣試咗：撈麵，加炸雞翼3隻，3 粒章魚丸，一杯菠蘿果茶（$60）。另加士多啤梨益力多一杯（原價$48）。

撈麵如expected係indomie，大家知值幾錢一包。7仔撈麵餐30幾已經可以食到雞肶，咖哩魚蛋，咁我當$60有一半係杯嘢飲錢。

炸雞翼仔蚊型（約5-6cm長）, 幾好味但實在太細隻。章魚丸放埋落個麵度，完全無燒汁無沙律醬，乾曾曾3粒嘢，味道無問題但又唔可以話好食咁，但要自己出日本炒麵醬，我要比唔合格佢。杯菠蘿果茶，好香...菠蘿香料味，無茶味，一杯得個甜字嘅菠蘿香料味糖漿水，絕對唔值$30。杯士多啤梨益力多，打開鼻塞都聞到好香...士多啤梨香料味，無咩益力多味，有D士多啤梨打咗落去。總之又係一杯好有香料味嘅飲品，賣$48喎，我比佢值$18。

哩餐咁就食咗$96（折咗）。對比7仔30幾，再飲啖香精茶。沉思下，點解咁嘅性價比都仲健在嘅呢？