滾火鍋 (Closed)

放假同屋企人想搵個邊爐十下十下，咁岩搵到依間「滾火鍋」，門口既員工都好好客咁邀請我地入去。 一入到門口，格局四四方方，座位夠大夠舒服 坐低唔夠一陣，店員就拎左四杯特飲比我地，飲完之後更加開胃 想即刻食野。配料新鮮，而且餐廳環境好乾淨！抵讚 湯底方面，叫左鴛鴦湯底，清湯豆腐拼沙嗲，都好夠味 但唯獨係落單之後，店員先再推薦燉湯湯底！搞到要下次黎，先可以試到！(仲話係招牌湯底) 我地前後叫左：安格斯肥牛，本地牛展，響鈴，豬下青，黑松露鮮蝦水餃，黃金午餐肉，仲有黃金炸豆腐。其他真係太多講唔哂。但安格斯肥牛，豬下青，黃金午餐肉，黃金炸豆腐，真係要點名encore。肥牛既擺盤同埋賣相值得一讚，唔會話好似其他鋪頭求求其其，而且淥幾秒就食得，入口即溶👍🏽 絕對對得住個價錢。而豬下青，我都係第一次食，外型賣相一流 影相放上網呃like 一定走唔甩黃金豆腐同黃金午餐肉，炸到岩岩好，依兩樣野都再加單再叫多份😂 午餐肉 未落爐淥既時候，已經同屋企人食哂，要再叫多份專for邊爐！最後最後！一定要大讚餐廳員工服務態度，沿途向我地介紹唔同既食物，而且仲教埋我地唔同食法！