Running 燒 (Closed)

晚間食肆開番堂食，緊係要約埋個friend去食韓燒放題啦；餓左咁耐，食放題最好就係可以大吃大喝一番，今日卜左將軍澳Popcorn 二樓嘅。餐廳全部卡座，坐位闊落舒適，出面亦分左蔬菜區、醬料區、熱食區、甜品區等，企理乾淨。我食放題嘅策略，第一輪都會每樣點小小，試左味之後，就主力不停點我覺得最好味嘅😋，呢度選擇都齊，雞、牛、豬、羊、海鮮樣樣有，今晚最心儀就係帶子、蝦、牛仔骨、牛舌、豬頸肉😋⋯⋯已經不停爽點左好幾轉😋。帶子雖然略細粒，但都有啲厚身，底面燒一燒，中間仍帶軟嫩，肉質鮮甜；燒蝦，蝦頭緊連蝦身，肉質彈牙，非常新鮮；牛舌牛味濃，有口感；豬頸肉非常爽脆有口感😋再來幾款韓式小食，炸雞🍗⋯非常脆口，味道略帶南乳味，好特別；炸魷魚，粉醬唔會太厚，非常酥脆；最最最好味就係炸韭菜餃🥟餡料脹卜卜，唔太油膩，呢個我都點左好幾轉。最後就緊係食埋甜品同雪糕啦，完美一餐好滿足😋。三百蚊有找食倒一餐咁豐富，110分鐘任飲任食，性價比極高👍🏻