Video
Read full review
2024-05-18
132 views
兩個為食嘅人，今晚去咗和道屋食佢新推出 星期一至日 任何時段嘅90分鐘半放題（成人$388一位）。可以任食日本A4和牛，北海道米豚，廣島牡蠣壽喜燒，師傅即握壽司。另外仲有定量嘅時令刺身五款，和風沙律同埋自選五款即叫即生燒串燒/料理/天婦羅。最後仲有一杯雪糕。我哋喺地面開門入去，先要經過一條有宮崎駿卡通裝飾嘅走廊先至到餐廳，好cute！入到去舖頭，餐廳係簡約日式設計，裝修主要以木製品為主。枱同枱之間有一定距離，座位舒適，感覺良好。和風沙律菜新鮮爽脆。今晚嘅時令刺身五款係三文魚，希靈魚，帶子，油甘魚同埋八爪魚。全部刺身都夠晒新鮮，味道鮮甜！任食即握壽司中，油甘魚壽司，火炙左口魚裙邊壽司，香蔥吞拿魚蓉軍艦，同埋青芥辣八爪魚軍艦都令人回味。兩款軍艦嘅紫菜都好脆，大家記得即食先唔會嘥。火炙左口魚裙邊壽司啱啱燒起，帶點微暖，左口魚裙邊經過火炙後食落充滿油香。值得一提嘅係佢嘅手握壽司係即叫即握的。自選五款串燒中，我點咗甲羅燒，鹽燒和牛粒，千崴米豚腩片，鹽燒三文魚頭，同埋明太子雞翼。佢哋嘅串燒係即叫即生燒咖，所以燒出嚟熱辣辣！甲羅燒蟹膏味非常濃郁，必食！明太子雞翼嘅鹹香味味道都唔錯. 千崴米豚腩片燒得
兩個為食嘅人，今晚去咗和道屋食佢新推出 星期一至日 任何時段嘅90分鐘半放題（成人$388一位）。可以任食日本A4和牛，北海道米豚，廣島牡蠣壽喜燒，師傅即握壽司。另外仲有定量嘅時令刺身五款，和風沙律同埋自選五款即叫即生燒串燒/料理/天婦羅。最後仲有一杯雪糕。
我哋喺地面開門入去，先要經過一條有宮崎駿卡通裝飾嘅走廊先至到餐廳，好cute！入到去舖頭，餐廳係簡約日式設計，裝修主要以木製品為主。枱同枱之間有一定距離，座位舒適，感覺良好。
和風沙律菜新鮮爽脆。
今晚嘅時令刺身五款係三文魚，希靈魚，帶子，油甘魚同埋八爪魚。全部刺身都夠晒新鮮，味道鮮甜！
任食即握壽司中，油甘魚壽司，火炙左口魚裙邊壽司，香蔥吞拿魚蓉軍艦，同埋青芥辣八爪魚軍艦都令人回味。兩款軍艦嘅紫菜都好脆，大家記得即食先唔會嘥。火炙左口魚裙邊壽司啱啱燒起，帶點微暖，左口魚裙邊經過火炙後食落充滿油香。值得一提嘅係佢嘅手握壽司係即叫即握的。
自選五款串燒中，我點咗甲羅燒，鹽燒和牛粒，千崴米豚腩片，鹽燒三文魚頭，同埋明太子雞翼。佢哋嘅串燒係即叫即生燒咖，所以燒出嚟熱辣辣！甲羅燒蟹膏味非常濃郁，必食！明太子雞翼嘅鹹香味味道都唔錯. 千崴米豚腩片燒得金黃，肥瘦相間嘅腩片燒得好香。
任食壽喜燒方面，我哋點咗A4和牛同埋北海道米豚。A4和牛啲雪花好靚，同埋唔係脂肪多過肉嗰種，所以唔會好漏。呢個價錢可以任食A4和牛，真係好開心。我哋都唔執輸，叫咗幾round A4和牛嚟食。佢嘅野菜拼盤，溫泉蛋紫菜飯同埋溫泉蛋稻庭烏冬都係任食㗎。
飯後甜品，有綠茶雪糕或者芝麻雪糕揀。綠茶雪糕有茶香唔算好甜。芝麻雪糕芝麻味好濃。
總括嚟講呢個90分鐘半放題性價比極高，刺身同埋壽司都好新鮮。全部生食熟食都係即叫即做，好高質。呢個價錢可以任食A4和牛，好抵食
Post
