Project B (Closed)

見完客同朋友係附近食飯，餐廳店員非常有禮貌，加分加分👍食物全部都好高質，鵝肝牛魔王炒飯，牛柳粒份量好足，中意佢蛋炒飯夠乾身飯粒爽口，原片鵝肝微焦滑嫩既口感好味道，煙三文魚黑松露忌廉意大利飯，原啖黑松露都真係第一次食，通常已經係燴飯到撈埋一齊，都幾中意咁既食法可以滿口黑松露甜味好滿足，想讚下廚師個忌廉飯真係幾出色，煮到硬度恰好，煙韌得黎又唔痴牙，仲有意大利雜肉芝士薄餅，有巴馬火腿食，鹹鹹地加蕃茄既酸甜搭配，連埋沙律菜食就fresh啲，薄餅外皮超級脆口，甜品因為冇心太軟，餐廳轉左朱古力布朗尼配雪糕雜莓比我地，布朗尼可可味勁濃郁，口感鬆軟，賣相亦吸引，呢個價錢同質素，有驚喜！💜💜