浪人日本料理 (Closed)

又來中環食飯啊，通常係呢邊都係去酒吧，但係今日真係好想食日本野，所以就同朋友去咗呢間都幾出名嘅浪人日本料理食dinner 店員非常有禮貌地帶我地坐低咗，見到枱與枱之間有竹簾間隔住，比客人足夠ge私人空間，呢點真係好中意。見到餐牌都有各式ge日本料理，店員都有推薦幾款食物比我地。最後落完order就慢慢等食物到啦。極上壽司抵食，又多款式嘅極上壽司真係必叫，上面仲有浪人卷，本身單叫都2百幾。所以呢一個壽司拼盤真係好抵食。味道當然系唔洗講，都係新鮮ge刺身，配合餐廳用赤醋飯黎做壽司飯，特別之餘，更加令成個壽司ge味道升級另外都叫咗牡丹蝦刺身，超新鮮嘅牡丹蝦，最令我驚喜嘅係餐廳會幫我地免費張蝦頭拎去炸，炸的啱啱好，全個蝦頭都可以食埋又唔會好油，鬆化嘅口味真係好好食，咁樣計返真係超級抵！！火熾生牛肉系將頂級ge牛肉表面輕輕用火燒過，但入面又係生ge狀態，食入口有2種不同ge感覺，味道層次複雜。舞茸醬煎蠔入邊嘅舞茸醬嘅味道好香配埋煎蠔一流，舞茸醬非常濃烈ge菌類味道，好香，蠔更加系煎得非常香口，有dd金蠔ge感覺，下面仲有件非常淋滑ge白蘿蔔，吸收曬d舞茸汁ge精華，好好食。