Video
Read full review
2018-03-06
202 views
成日經過大圍都會見到呢間野今日特登黎一試,結果不如預期,但不過不失二人各叫左個DINNER SET有前菜+湯+主菜+甜品+飲品都只係百五蚊左右性價比非常之高分別係煙三文魚沙律同火腿沙律前者唔錯,煙薰味好香後者個人認人豬騷味太重,而且咬極都咬唔爛,好似食緊橡膠咁,差!加錢要左酥皮湯但係做得極差！！！得罪講句,大家樂都好過佢酥皮唔酥脆,上到黎即刻食已經係軟晒,更加唔好要求有酥香咁奢侈真係比個菠蘿包我都冇咁嬲湯係點?重要咩?一個酥皮湯個酥皮唔合格,講個湯係點黎都冇意思黑松露帶子意大利飯呢個真心推薦鍾意食黑松露既朋友平時出街食黑松露最多都只係得一兩粒吊下味呢到基本上成碟都係帶子封煎得好好將鮮味都鎖晒係入面而且夠大粒,仲要有兩粒意大利飯收汁都收得唔錯成餐最好食係呢個,必試飛驒和牛漢堡配薯條小弟前世同牛有仇今世變左個食牛怪見到係用飛驒和牛整既漢堡點可以唔一試呢果然係一試難忘漢堡最難做到就係要保持到肉汁因為同牛扒唔同,入面材料唔只係牛,而且牛係打碎晒但佢做到將肉汁保留係入面,而且飛驒和牛既牛味香濃只係如果唔太鍾意肥膩感既朋友就要留意啦因為佢用既肉係比較肥另外漢堡同窩夫唔多夾而且成舊野都太大舊,無辦法
今日特登黎一試,結果不如預期,但不過不失
二人各叫左個DINNER SET
有前菜+湯+主菜+甜品+飲品
都只係百五蚊左右
性價比非常之高
分別係煙三文魚沙律同火腿沙律
前者唔錯,煙薰味好香
後者個人認人豬騷味太重,而且咬極都咬唔爛,好似食緊橡膠咁,差!
加錢要左酥皮湯
但係做得極差！！！
得罪講句,大家樂都好過佢
酥皮唔酥脆,上到黎即刻食已經係軟晒,更加唔好要求有酥香咁奢侈
真係比個菠蘿包我都冇咁嬲
湯係點?重要咩?
一個酥皮湯個酥皮唔合格,講個湯係點黎都冇意思
黑松露帶子意大利飯
呢個真心推薦鍾意食黑松露既朋友
平時出街食黑松露最多都只係得一兩粒吊下味
呢到基本上成碟都係
帶子封煎得好好
將鮮味都鎖晒係入面
而且夠大粒,仲要有兩粒
意大利飯收汁都收得唔錯
成餐最好食係呢個,必試
飛驒和牛漢堡配薯條
小弟前世同牛有仇
今世變左個食牛怪
見到係用飛驒和牛整既漢堡
點可以唔一試呢
果然係一試難忘
漢堡最難做到就係要保持到肉汁
因為同牛扒唔同,入面材料唔只係牛,而且牛係打碎晒
但佢做到將肉汁保留係入面,而且飛驒和牛既牛味香濃
只係如果唔太鍾意肥膩感既朋友就要留意啦
因為佢用既肉係比較肥
另外漢堡同窩夫唔多夾
而且成舊野都太大舊,無辦法一啖食落去
似乎失去左原本漢堡包既用意
但分拆左窩夫黎食既話又會太DRY
同埋到底應該當甜食定咸食?
令到成件事唔知想點咁
雖然窩夫蛋味香濃,食一件還可
但食到第二件就會DRY味就浮晒出黎,就會覺得好寡
另外薯條太淋,不值一提
甜品叫左個雪糕同上圖既Oreo TiramisuOreo味香濃Tiramisu做到入口即溶
可以一試
總括黎講,雖然部分食物有D瑕疵
但埋單二人合共都只係三百幾蚊
以呢個價錢食到前菜+湯+主菜+甜品+飲品
可以話係物超所值
絕對值得再黎
Post
