Video
Read full review
2020-12-03
724 views
作為荃葵青區嘅居民，一直都久仰嘉寶漢堡嘅大名！由小食店開到漢堡店再喺尖沙咀開分店，竟然一次都未食過🙈 今次終於可以一嚐呢間手工慢煮嘅港式漢堡。平時經過嘅時候好多時都大排長龍，尤其是以外賣單比較多，今次大概平日6點半到入座，唔駛等就即刻有位！💛 烤菇芝士牛堡／芝士牛堡見好多人都推介佢哋嘅烤菇芝士牛堡，當然點都要一試啦！佢哋普通款芝士牛堡只係賣$31，比起好多出面嘅漢堡店都算係平，而且份量都唔細，性價比係幾高 ⬆️ 烤菇食落非常多汁，亦都有菇香味，咬落亦無過腍或者唔熟，味道唔錯嘅。反而比較期待嘅牛肉漢堡扒就有點失色🤕，雖然標榜慢煮，塊扒係煮得好腍，但係牛味比較欠奉同埋肉質較散。不過芝士都幾濃，而配菜食得出係新鮮嘅，千島醬同成個漢堡都好配合。💛 小食 － 薯格／薯塊薯格份量頗多，但係味道較鹹同埋薯味唔太足夠。要一讚係佢哋嘅薯塊 👍🏻 其實係大家平時食到薯餅嘅縮細版，不過就好似魚片頭咁，三邊都炸到好脆，食落去特別滿足！💡 溫馨提示：佢哋亦都有提供Impossible Burger，素食嘅朋友都可以試㗎 ✅味道: 🌕🌕🌕🌗🌑服務: 🌕🌕🌕🌖🌑環境: 🌕🌕🌕🌗🌑價錢: 🌕🌕🌕🌕🌘
💛 烤菇芝士牛堡／芝士牛堡
見好多人都推介佢哋嘅烤菇芝士牛堡，當然點都要一試啦！佢哋普通款芝士牛堡只係賣$31，比起好多出面嘅漢堡店都算係平，而且份量都唔細，性價比係幾高 ⬆️ 烤菇食落非常多汁，亦都有菇香味，咬落亦無過腍或者唔熟，味道唔錯嘅。反而比較期待嘅牛肉漢堡扒就有點失色🤕，雖然標榜慢煮，塊扒係煮得好腍，但係牛味比較欠奉同埋肉質較散。不過芝士都幾濃，而配菜食得出係新鮮嘅，千島醬同成個漢堡都好配合。
💛 小食 － 薯格／薯塊
薯格份量頗多，但係味道較鹹同埋薯味唔太足夠。要一讚係佢哋嘅薯塊 👍🏻 其實係大家平時食到薯餅嘅縮細版，不過就好似魚片頭咁，三邊都炸到好脆，食落去特別滿足！
💡 溫馨提示：佢哋亦都有提供Impossible Burger，素食嘅朋友都可以試㗎 ✅
味道: 🌕🌕🌕🌗🌑
服務: 🌕🌕🌕🌖🌑
環境: 🌕🌕🌕🌗🌑
價錢: 🌕🌕🌕🌕🌘
Post
