火車頭越南餐室 (朗豪坊)

Open Now

Now Closed

又係出街做野，又係要出外搵食。因為趕時間，所以係做野附近嘅朗豪坊求其搵一間，食飯時間，到到都人山人海，見呢到仲有位就即刻坐低。坐低後無耐，其他住都陸續坐滿，真係好彩。我地嘅位置靠落地玻璃，有太陽射到入黎，如果係夏天會較熱，玻璃有加窗簾，如果覺得熱可以拉上。坐佔間較迫，行人通道較窄，如果咁岩有人放左BB 車或行李喼，出入坐位要小心撞到其他人。墊枱紙正正就是午餐餐牌午餐SET有主食+小食+飲品，主食及小食分別有17&11款選擇，任君配搭，午餐包嘅飲品有4款，款式選擇算幾多，價錢由$80-$100 不等，個別特飲要另外加錢升級，以午餐來講，價錢算貴。燒豬頸肉湯河 +生菜 + 羅漢果蜜 $79好大碗，分量足夠，豬頸肉燒得剛剛好，唔會燒乾，仍有肉汁，青檸香葉芽菜等會另上，按自己喜好加入。整體來講，味道、份量OK，只係價錢略貴，性價比低。